Psalm
36 Orukhọ gu ọmwa dan guan vbe uwu ekhọe ọre, ọ he Osanobua yotọ, ẹ i vbe ya ọghọ nẹẹn. 2 Rhunmwuda ukpo nọ yo nọ roro egbe ẹre yi, irẹn roro wẹẹ, Osanobua i khian miẹn otọ orukhọ ẹre, nọ bu abe gbẹe. 3 Ẹmwẹ dan ẹre ọ ke unu ẹnrẹn rre, ohoghe ẹre ehia vbe khin. Ẹ i ghi ru emwi ẹwaẹn ra nọ maan. 4 Ọ ghi gha zẹ iro emwi dan, a i ghi miẹn emwi ọkpa nọ maan nọ ru. Irẹn i vbe fieghe uhunmwu ye emwi dan. 6 Iruemwiẹse ruẹ yevbe oke ni yo. Ẹmwata ruẹ yevbe okun nọkhua kevbe nọ dinmwi. Eo Jehova, wẹ ẹre ọ gbaroghe emwa nagbọn kevbe avbe aranmwẹ oha. 7 Osanobua, ighobioye ọre ahoẹmwẹọmwa ruẹn nẹi beghe khin. Ototọ aghọnghọn ifuẹn ruẹn ẹre ima lẹre yi. 9 Ehe ne u ye ẹre arrọọ hia ke rre, uwanmwẹ ruẹ ẹre ima ya bẹghe.