Psalm

149 Wa rho e Jah! Wa so ihuan ọgbọn ghee Jehova; wa rho ẹre vbe uwu iko emwa rẹn ni yaeyi! 2 Izrẹl gha ghọghọ, rhunmwuda Ayi nọ yi ruẹ; wa gha ghọghọ wa ne ivbi e Zaiọn, rhunmwuda ọba ọghe uwa! 3 Wa ya iku rho eni ẹnrẹn, wa kpee ema kevbe akpata ya gha rho ẹre. 4 E Jehova sẹ ọyẹnmwẹ ye ẹmwẹ emwa rẹn. Ọ ye akhọnmiotọ ye ọghọ ne emwa rẹn ni mu egbe rrie otọ. 5 Wa gi emwa Osanobua gha ghọghọ ye akhọnmiotọ iran, ne iran vbe so ihuan nọ rhiẹnrhiẹn ne ẹdẹgbe. 6 Wa gi iran kakabọ go ladian, vbe iran ra gha rho Osanobua, iran ghi vbe viọ umozo ọghe iran ni mu mwẹ obọ, 7 ne iran ya khọn avbe uhunmwu ẹvbo mu otọ, ne iran vbe rri avbe emwa nii oya. 8 Ne iran ya ọgiọrọ rrọ avbe ọba iran, kevbe avbe olotu iran, ọgiọrọ ematọn. 9 Ne iran rri avbe uhunmwu ẹvbo oya zẹvbe ne Osanobua gie. Ọnọna ọre akhọnmiotọ ọghe emwa Osanobua. Wa rho e Jah!