Psalm
127 Adeghẹ Jehova ma bọ owa, te iran ni bọe winna kẹkan. Adeghẹ Jehova ma rhie ẹvbo lẹre, te iran ni khẹ odẹ khẹ ọre kẹkan. 2 Ẹ i mwẹ esa nọ ye na gha miẹn ẹsọn vberriọ ba ẹmwẹ evbare unu, na gha kpa vbe owiẹ fioro vbe nai na vbe rherhe lovbiẹ. Rhunmwuda, e Jehova ẹre ọ kpemehe ne iran nọ hoẹmwẹ ọnrẹn, vbe iran he ye vbiẹ. 3 E Jehova ẹre ọ ya emọ ru ọmwa ẹse, afiangbe nọ sẹ re ẹre iran khin. 4 Emọ ne ọmwa mwẹ vbe ẹghẹ igbama te iran yevbe ifẹnmwẹ vbe obọ ovbiyokuo. 5 Afiangbe nọ ne ọmwa, nọ mwẹ egbe ifẹnmwẹ vberriọ nibun; obọ i sẹtin ke ukhunmwu nẹẹn, vbe irẹn vbe eghian rẹn a viọ aro daa egbe, vbe ehe na na bu ohiẹn.