Psalm
126 Ẹghẹ ne Jehova na viọ ima dọlegbe gha die Jerusalẹm, te ọ wa yevbe imina! 2 U miẹn ogiẹ ne ima giẹ, u miẹn ihuan oghọghọ ne ima so. Ẹghẹ nii, ẹre avbe agbẹnvbo nikẹre na kha wẹẹ, “E Jehova ru emwi nọ kpọlọ ne iran.” 3 Vbene ẹmwata, e Jehova ru emwi nọ kpọlọ ne ima, u miẹn vbe ọyẹnmwẹ sẹ ima yọ hẹ! 4 E Jehova viọ ima werriegbe gha rrie otọ ima, zẹvbe ne amẹ nọ rhọ lẹ amẹ werriegbe ye avbe otọ ẹzẹ ni te ka! 5 Iran ni ghaa viẹ vbe ẹghẹ ne iran na gha kọ emwiokọ, gha ya oghọghọ rhọ emwiorhọ ọghe iran. 6 Iran ni ghaa viẹ vbe iran viọ emwiokọ khian, gha dọlegbe rre, iran ghi gha so ihuan oghọghọ, vbe iran ghaa viọ emwiorhọ die owa.