Psalm
110 E Jehova tama e Nọyaẹnmwẹ wẹẹ, “Tota ye oberhọmwa mwẹ vbe emwa na, vbene I te do viọ avbe eghian ruẹ ye atata owẹ ruẹ.” 2 E Jehova gha ke Zaiọn fian gbe ẹtin arriọba ruẹ. Irẹn keghi kha wẹẹ, “Gha khaevbisẹ yan avbe eghian ruẹ.” 3 Ẹdẹ ne u gha gu avbe eghian ruẹ gbinna, emwa ruẹ gha ya ekhọe obọ iran rhiegbe ladian, zẹvbe evbu owiẹ vbirrivbirri, avbe igbama ruẹ gha bu ruẹ gha die uhunmwu oke nọhuanrẹn nii. 4 E Jehova vẹn ihẹn nẹ, ẹ i ra vbe fi ẹre werriẹ wẹẹ, “Ohẹn wẹ khian gha khin ẹdẹdẹmwẹdẹ, vbe uniẹn ne a na rri ohẹn ọghe Mẹlkizẹdẹk.” 5 E Jehova rre obọ erha ọmwa ruẹn; ọ gha khọn avbe ọba mu otọ vbe ẹdẹ izoru ọghe. 6 Ọ gha bu ohiẹn avbe uhunmwu ẹvbo, ọ ghi ya ikun orinmwi vuọn ehe na na khọn okuo; ọ gha khọn avbe ọba uhunmwu otọ agbọn hia miotọ.