Psalm
3 Afiangbe ọre ọghe iran ni mu iyi ẹre sẹ, iran ni ru emwi nọ gbae vbe ẹghẹ hia. 7 Avbe erha mwa odede ni ghaa rre Igipt, ma rẹn otọ iwinna ọyunnuan ọghe Osanobua. Iran mianmian, ẹghẹ ni bun nọ na rhie ahoẹmwọmwa rẹn ma iran, iran keghi sọtẹ ghee Oghodua vbe Okun Nọ Baa. 8 Sokpan, ọ miẹn iran fan zẹvbe nọ yan rẹn, nọ miehe na rhie ẹtin ẹnrẹn nọkhua ma. 9 Ọ gu Okun Nọ Baa guan, ọ keghi ka sẹ otọ; ọ keghi viọ emwa nii fiaẹn rra vbe otọ nọ kae. 13 Sokpan, banbanna, iran vbe mianmian iwinna nọ winnaẹn nẹ, iran na gha ru emwi, vbene iran ma na diakhẹ ọre, nọ tama iran emwi ne iran gha ru. 14 Iran keghi vuọn ne orriarria vbe uwu ato, iran na gha danmwẹ Osanobua ghee. 19 Iran na ma ẹmila igoru vbe Horẹb, iran na gha gho amazẹ nii. 20 Iran keghi fi uyi Osanobua werriẹ ghee ọghe ama aranmwẹ nọ rri irunmwu. 21 Iran mianmian Osanobua ne Ọmiọnmwafan ọghe iran, nọ ru emwi ọyunnuan vbe Igipt. 22 U miẹn emwi ọyunnuan nọ ru vbe evba, u miẹn emwi ọyunnuan nọ ru vbe Okun Nọ Baa. 23 Ugbẹnvbe Osanobua khare ighẹ irẹn khian fuẹn emwa rẹn rua, e Mozis ne ọguọmwadia ẹre nọ hannọ zẹ keghi degbe Osanobua odẹ, ọ ma gi ẹre ya ohu fuẹn iran rua. 24 Ẹghẹ nii, iran keghi he otọ esi nii, rhunmwuda, iran ma ya eyan ọghe Osanobua yi. 25 Iran keghi tota ye owa ukpọn iran gha zuyọn, iran ma zẹ ye Jehova re. 26 Irẹn keghi rhunmwuda ọni ya obọ sekhae ne iran ya bu iran ude wẹẹ, irẹn gha gi iran wulo vbe uwu ato. 27 Irẹn ghi vbe zagha ivbi iran gba ẹbu avbe ni ma yayi, ọ ghi vbe gi iran wulo ye ẹvbo ẹrrẹe. 28 A ghi sẹ Peọ, emwa Osanobua keghi ya egbe ba iran ni ghoo e Bel, iran keghi vbe re vbe emwi na ya zọ ese ghee amazẹ nẹi mwẹ arrọọ. 29 Uyinmwẹ ne iran yinrin na keghi ya ohu mu Osanobua, emianmwẹ dan keghi la uwu ẹbu iran. 30 Sokpan, e Finihaz keghi kpaegbe, ọ na rri iran ni ru emwi khọọ oya, egboghogbogho nii keghi dobọ yi. 31 Te a ghi ya emwi nọ ru na so eni ẹnrẹn nọ maan, ke ẹghẹ nii gha dee, erriọ ẹre ọ khian gha ye khian vbe etẹbitẹ. 32 Vbe ovbi ẹzẹ e Mẹriba, emwa nii keghi vbe ya ohu mu Osanobua, e Mozis keghi la ẹmwẹ rhunmwuda iran. 33 Iran keghi ya ohu muẹn sẹrriọ wẹẹ ọ na wa gha talọ vbene ọ ma na zẹdẹ ka roro ẹre. 34 Iran ma gbele emwa nii rua rua, zẹvbe ne Jehova tama iran. 35 Sokpan, iran keghi suẹn gha gu avbe agbẹnvbo nii mu obọ, iran na gha yin vbene iran vbe yin. 36 Iran na deba iran gha ga ẹbọ, ọna ẹre ọ si ọfuan ye iran egbe. 37 Iran ya ivbi iran nikpia kevbe nikhuo gha zọ ese ne avbe ugbogiorinmwi. 38 Iran gbele emwa ni ma rẹn ọkpa rẹn eva, iran ya ivbi iran nikpia kevbe nikhuo zọ ese ne ẹbọ ọghe Kenan. Avbe uyinmwẹ izigha na, keghi mu awua la ẹvbo nii. 39 Iran keghi lekpa uyinmwẹ iran ya egbe iran khian nọ ma huan, iran ma gie Osanobua mu ẹtin yan. 40 Rhunmwuda ọni, e Jehova kegha mu ohu emwa rẹn, ẹmwẹ iran keghi khan rẹn. 41 Ọ keghi sẹ iran rae ye obọ ẹtin eni ga ẹbọ, avbe eghian iran keghi gha kha yan iran. 42 Avbe eghian iran zẹ iran kpokpo, iran keghi wa viọ obọ yan iran uhunmwu fẹẹrẹ. 43 Ẹghẹ ni bun, ẹre Osanobua ya rhan emwa rẹn yotọ, sokpan, iran na wẹẹ te iran khian gha sọtẹ ghee ẹre, iran na dọlegbe gha ziẹn la uwu orukhọ. 44 Sokpan, ugbẹnvbe iran ghi vbe tu ladian, ọ keghi vbe họn urhu eve iran, ọ keghi vbe mu ẹmwẹ usẹ ne iran ye roro. 45 Ọ rhunmwuda iran ye ile ẹre rre, rhunmwuda nọ na kakabọ hoẹmwẹ iran, ọ keghi gbe ibiẹ rrie. 46 Ọ keghi ru ẹre ne iran ni zẹ iran kpokpo mwẹ agiẹngiẹn daa iran. 47 Miẹn ima fan, Jehova ne Osanobua mwa, ne u viọ ima werriegbe ke uwu ẹbu avbe uhunmwu ẹvbo ladian, ne ima miehe na kpọnmwẹ ẹse, na rho eni ruẹ nọhuanrẹn. 48 Wa rho e Jehova ne Osanobua Izrẹl, wa rho ẹre nian kevbe ẹdẹdẹmwẹdẹ! Wa gi emwa hia kha wẹẹ, “Isẹ!” Wa rho e Jah.