Psalm
3 Wa gha ghọghọ wẹẹ, ọghẹe ẹre ima khin, wa gi emwa ni gae hia gha ghọghọ. 8 Ọ gha rhie ile ẹre mwẹ ẹdẹdẹmwẹdẹ, kevbe eyan nọ yan rẹn, ya sẹ orre arriaisẹn. 9 Ọ gha mu ile ne irẹn vbe Ebraham gba ta sẹ, kevbe eyan ne irẹn yan ma Aizik. 10 Ọ gu e Jekọb ta ile nẹ, ọ gu Izrẹl ta ile nọ khian gha rrọọ ẹdẹdẹmwẹdẹ. 11 “I gha mu otọ e Kenan nuẹn, ọ ghi gha re ọghuẹ.” Erriọ ẹre ọ khare. 12 Ibozẹghẹ ẹre emwa Osanobua ghaa khin, iran kegha re ọrriọvbe vbe otọ e Kenan. 13 Iran na gha khian lele ẹvbo ughughan, ke arriọba ọkpa ya sẹ ọvbehe. 17 Sokpan, ọ keghi gie ọmwa ke odaro ne iran, e Josẹf na khiẹn zẹvbe ọviẹn. 18 A keghi rro ọgiọrọ ye ọre owẹ, a keghi vbe gba urọnghọn ematọn ye ọre urhu. 19 A te do miẹn wẹẹ emwi nọ ta yotọ sunu, ẹmwẹ ọghe Jehova ẹre ọ kpe ẹre huan. 24 Osanobua keghi viọ emọ ni bun ne emwa rẹn, ọ keghi gi iran wegbe sẹ eghian iran. 25 Ọ gi Ivbi Igipt gha khuiwu emwa rẹn, ne iran vbe gha mwamwa emwi dan ne iran khian ru eguọmwadia ẹre re. 26 Ẹre irẹn na gie eguọmwadia ẹre, ighẹ Mozis kevbe Erọn ne irẹn zẹ. 27 Iran winna iwinna nọkhua ọghe Osanobua, iran keghi vbe winna iwinna ọyunnuan vbe Igipt. 28 Osanobua keghi gie ebiebi la ẹvbo nii; Iran ma he ẹmwẹ ye ọre obọ. 29 Ọ ya ẹzẹ iran khian esagiẹn, ọ keghi gbele ehẹn ni rrọọ hia. 30 A tue ẹkirẹ yan ẹvbo iran, ẹguae tobọre keghi vuọn ne ẹkirẹ. 31 Osanobua guan rẹn, ikian kevbe ẹkhunkhun, keghi hihiẹ gba ehe hia vbe ẹvbo nii. 32 Ọ gie avannukhunmwu, kevbe ayan yo otọ nii, ye ihe amẹ nọ rhọọ. 33 Ọ dunmwu erhan azara kevbe erhan ohọ, ọ keghi bunnọ avbe erhan ni rrọọ ku otọ. 34 Ọ guan rẹn, avbe irhiso keghi rre, inu ẹbo nai sẹtin ka. 35 Iran rri erhan ni rre otọ nii hia, iran rri emwiokọ hia. 36 Ọ gbele emọ ikpia ni re emọdiọn ọghe ẹgbẹe ni rre otọ Igipt hia. 37 Iyeke ọni, ọ keghi viọ Ivbi Izrẹl ladian, iran viọ esiliva kevbe igoru, egbe wa rran iran hia, iran keghi vbe wegbe vbe egbe. 38 Ohan iran kegha mu ivbi Igipt, iran keghi ghọghua vbe iran kpa. 39 Osanobua keghi mu okuku amẹ, ye odukhunmwu emwa rẹn, kevbe erhẹn vbe asọn, nọ gha rhie uwanmwẹ ne iran. 40 Iran nọ rẹn, ọ keghi viọ ukobozo gie iran, ọ rhie evbare gie iran ke ẹrinmwi rre, nọ gi ẹko vuọn iran. 41 Ọ kie okuta nọkhua, amẹ na vẹ kua, ọ keghi lẹ la ato gberra zẹvbe ẹzẹ. 42 Ọ ye ile nọ gu Ebraham ne ọguọmwadia ẹre ta rre. 43 Erriọ ẹre ọ ya su emwa rẹn nọ hannọ zẹ ladian, iran so ihuan, iran kegha we uwemwẹ oghọghọ. 44 Ọ mu otọ emwa ọvbehe ne iran, ọ na vbe gi iran munọ ugbo iran. 45 Ne avbe emwa rẹn miẹn ehe na gha ya uhi ẹre ru emwi, ne iran vbe rhie iyi ẹre hia mwẹ. Wa rho e Jah!