Job

38 Ẹre Jehova na kẹ uwu okpẹhoho zẹ ẹmwẹ wanniẹn ẹ Job, 2 Ọ keghi kha wẹẹ, ”‏Gha ọre uwẹ nọ gbikhaẹn yẹ ẹwaẹn mwẹ yi, vbene u na ya ẹmwẹ akpa ọghe nọ ma rẹn na ye ta ẹre? 3 Kpaegbe mudia nian, zevbẹ okpia, ne u gha rhie ewanniẹn ye ọta ne I nọ ruẹ rẹ. 4 Wẹ rre evba vbe I yi agbọn ra? Adeghẹ u gele rẹn emwi sẹ evba, ta ẹre ma mwẹ. 5 Gha ọ ta vbene ọ gha kpọlọ sẹ hẹ yi? De ọmwa nọ tan okun ya mwa rẹn? Wẹ rẹn ewanniẹn na hia ra? 6 De emwi nọ da orrẹ na ya da agbọn yi mwẹ yi? Gha ọ gbe ẹyotọ agbọn na? 7 Edẹ ne ẹdẹrriọ ghi gbe avbe orhọnmwẹ keghi koko gha so ihuan. Ivbi Osanobua hia keghi we ne oghọghọ. 8 “De ọmwa nọ khui urho ke okun yi, vbe ẹghẹ nọ na vẹ ke uwu otọ ladian? 9 Mẹ ẹre ọ ya amẹ gue okun, I na ya ebiebi gbalọ ẹre. 10 I vin uwu yotọ ne okun, I na ya asigbe khui urho kẹ yi. 32 U gha sẹtin ma avbe orhọnmwẹ odẹ ra, vbe dọmwadẹ ẹghẹ ne ukpo ya fi werriẹ, ra ne u dia ititi orhọnmwẹ nọkhua kevbe ivbi ẹre ye odẹ ra? 33 U rẹn uhi na loo vbe iso ra, ra ne uwẹ vbe gha loo uhi nii vbe otọ vbe agbọn ra? 34 U gha sẹtin van ọkan mu ikpakpa iso ra, ne u we ne iran rhọọ amẹ kuọ ruẹ? 35 U gha sẹtin gie avbe ayan uhunmwu ra? Iran gha rre do khama ruẹ wẹẹ, ‘Ma yo rre nẹ’ ra?