Job

31 Te I wa mobọ yan rẹn, ne I ghẹ ghee ọmokhuo ne aro mwẹ viẹn yọ. 2 Vbe Osanobua ne Udazi ru ima hẹ yi? Vbe ọ ya ha osa ye uyinmwẹ emwa nagbọn hẹ? 3 Ọ ghi mu ọfuan kevbe ọrhiae, gie avbe emwa ni ru emwi dan. 4 Osanobua rẹn emwi ne I ru hia, ọ rẹn dọmwadẹ owẹ ne I zẹ vbe otọ. 15 Osanobua ọkpa nii nọ yi imẹ ẹre ọ vbe yi avbe eguọmwadia mwẹ. 16 I ma he he ẹdẹ ne I ru iyobọ ne ovbiogue, I ma he gi agbọn khan avbe ẹgbẹe ẹdẹ, 17 ra ne I gi ohanmwẹ gbe emọ nẹi mwẹ erha, vbe imẹ a gha rri evbare. 18 Vbe ẹdagbọn mwẹ hia, te I gha gbaroghe iran. 19 I gha miẹn ọmwa nọ vbabọ emwi, nẹi mwẹ igho nọ gha ya dẹ ukpọn, 20 I ghi viọ ukpọn na ya eto do nẹẹn, eto nọ ke oghẹn ohuan mwẹ rre, ẹghẹ nii, ọ ghi ya ekhọe ẹre hia tian mwẹ. 21 Adeghẹ I he mu ọmọ nẹi mwẹ erha ru ẹdẹ, rhunmwuda ighẹ I rẹnrẹn ighẹ, I gha rri ase ẹre vbe iko, 22 te ekuabọ mwẹ gha vbiolo rua, te a gha yannọ iran hin izabọ mwẹ rre. 23 Rhunmwuda ighẹ ohan irria ikhi Osanobua mu mwẹ, ohan i gu mwẹ danmwẹ emwi vberriọ ghee. 24 I ma he mu ẹtin yan ẹfe ẹdẹ, 25 ra ne I ya ẹfe mwẹ gha hio. 26 I ma he gọn ugie ovẹn nọ yunmwu ẹdẹ, ra uki vbe uwu ose ẹre hia. 27 A ma he bibi mwẹ odẹ ya ọghọ ne iran ẹdẹ ne I hiẹnhiẹn atatabọ mwẹ ya ya ọghọ ne iran. 28 Uwu ẹre ọ kere na ya rria ikhi ye egbe orukhọ vberriọ, te ọ siẹn Osanobua ne Udazi. 29 I ma he ghọghọ vbe oghian mwẹ a gha rri oya ẹdẹ, ra ne I sọyẹnmwẹ vbe ẹbe a rruan iran. 30 I ma he ru khọọ ne I na erhunmwu wẹẹ ne iran wulo ẹdẹ. 31 Emwa hia ni winna mẹ rẹnrẹn wẹẹ, te I wa rhan obọ miẹn erhunmwuyẹn. 32 Te I tie ekhẹn la owa mwẹ, I i vbe gi iran vbiẹ orere. 33 Emwa ọvbehe hoo ne iran gha gbe gue orukhọ ọghe iran, sokpan, I ma he gbe gue ọghomwẹ ẹdẹ. 34 Ohan ẹmwẹ ne emwa gha ta ma he mu mwẹ ẹdẹ, I ma he hunwan ẹdẹ ra ne I khui egbe ye owa, rhunmwuda ighẹ ohan ogiẹ iran mu mwẹ. 35 A i miẹn nọ gha danmwehọ ẹmwẹ ne I guan ra? I vẹn ihẹn adeghẹ ẹ i re ẹmwata ehia khin. Gi Osanobua ne Udazi zẹ ẹmwẹ wanniẹn mwẹ. Akpawẹ te a gbẹnnẹ ehia yotọ nian, ighẹ ifiẹzọ ne iran ni gu mwẹ gui ba mwẹ re, ne I miẹn ehe na gha bẹghe iran, 36 I gha muẹn yan izabọ ya gha hio, I gha muẹn rhuẹ ye uhunmwu zẹvbe ẹde. 37 I gha talọ emwi ne I he ru hia ma Osanobua, egbe ghi gha mu mwẹ wẹsẹwẹsẹ vbe odaro ọre. 38 Adeghẹ te I dẹ otọ ne ugbo mwẹ mu, a na gbe emwa nọ wa yan rẹn miẹn iran ẹre, 39 adeghẹ I re vbe evbare nọ zọ vba, a na gi ohanmwẹ gha gbe avbe ọwẹẹ ni gbe ẹre, 40 ẹghẹ nii, ne ọka ẹsin kevbe ọka irhuarhua gha na te zọ vbọ, ogigban kevbe ọkọsọ ẹre ọ gha zọ ladian.”