Job
7 Ediọn ẹvbo gha ko, I na tota ba iran, 8 ibiẹka gha bẹghe mwẹ, iran ghi hẹko bi egbe, eniwanrẹn ghi gha kpaegbe ya ọghọ mẹ. 9 ‘Avbe ọkaolotu emwa ghi dobọ ẹmwẹ na guan yi, 10 avbe emwa ni hin ukhuan sẹ ghi gbẹdọ. 11 Ọmwa nọ rhirhi miẹn mwẹ, ra ni rẹn mwẹ, gha miẹn emwi ọkpa nọ maan ta vbekpa mwẹ wẹẹ, ghee emwi ne I ru. 12 Avbe ivbiogue gha tu ladian, I ghi yi iran obọ. I kegha ru iyobọ ne avbe emọ nẹi mwẹ erha, ni ma miẹn emwa tu ma. 13 Emwa ne ẹmwẹ agbọn hie ẹre uke kegha tian mwẹ, I keghi yi avbe ẹgbẹe obọ ne ẹkun sẹ iran otọ. 14 I keghi mu iruemwiẹse yọ vbe na ghee ukpọn; Ibuohiẹn ata mwẹ na yevbe na ghee ẹwu ne guọrọ kevbe ukugba ọghe uhunmwu. 24 I ghi mumu ogiẹ yan iran vbe ẹtin gha te fo iran nẹ, aro ne rọkhọ mwẹ ghi rhie igiọdu ne iran.