Job

25 Ẹre Bildad ne ovbi ẹvbo na tie ẹre Siua na wanniẹn wẹẹ, 2 “Osanobua mwẹ ẹtin, wa gi emwa hia ya ohan mudia vbe odaro ọre. Ọ ya ọfunmwegbe mu arriọba ẹrinmwi ẹnrẹn. 3 A gha miẹn nọ gha sẹtin ka avbe odibo ni gae ra? Ihe ọkpa rrọọ ra ne uwanmwẹ Osanobua i na wan muotọ? 4 A gha miẹn ọmwa nọ re ọmwata kevbe nẹi mwẹ iruẹn vbe odaro Osanobua ra? 5 Uki ne arengbe i mwẹ uwanmwẹ vbe odaro ẹre, amaiwẹ ne avbe orhọnmwẹ gha re nẹi mwẹ iruẹn. 6 Inu ghi nọ ne ọmwa nagbọn, ne ọkhọe, ne ẹtete! De ive nọ rre ọmwa uhunmwu vbe odaro Osanobua?”