Job

14 “A biẹlẹ ima hia nẹi mwẹ ẹtin kevbe nẹi sẹtin ye egbe ẹre obọ. Agbọn orhikhan nai na tọ ẹre ima hia ye. 2 Ma ghi zẹgiẹ waan, a ghi vbe zẹgiẹ luẹluẹ kua zẹvbe obobo, a ghi ho ima bẹkun zẹvbe obobo. 4 Emwi ọkpa nọhuanrẹn, nọ gha sẹtin ke uwu emwi nọ gbiruẹn zẹvbe ne ọmwa nagbọn ye rre, ẹ i rrọọ. 7 “Idaehọ ye rrọọ ne erhan na tọn gbotọ nẹ. Ọ sẹtin ye vbe fe, ọ ghi zọọ. 8 Agharhemiẹn ighẹ inian rẹn khian ọmaẹn, ighẹ utukunmwu ẹnrẹn wu ye uwu otọ, 9 vbene amẹ na rrọọ, ọ gha zọọ vbe ovbi erhan. 10 Sokpan, ọmwa gha wu, ọghẹe wa fo ye evba. Ọ wu nẹ, irẹn ghi ye vbo nian? 13 “Akpawẹ u gha ya rhie mwẹ lẹre vbe idin, ne u rhie mwẹ lẹre, a te miẹn wẹẹ izohu ruẹ fo, ne u vbe mwamwa ẹghẹ ne u gha na ye mwẹ rre. 14 Ọmwa gha wu nẹ, ọ gha ye rhiọrre do gha rrọọ ra? Sokpan, mẹ gha diakhẹ ẹghẹ nọ maan sẹ. 15 Ẹghẹ nii, u ghi tie, mẹ ghi vbe khuẹnniẹn. U ghi gele gha hoo ne u miẹn iwinna obọ ruẹ.