Ẹsta

5 Okpia ọkpa ne Ovbi e Ju kegha rre Susa, a keghi tie eni ẹnrẹn Modẹkai, ovbi e Jea, ovbi ẹwae e Bẹnjamin ẹre nọ, vbe uniẹn ọghe Kis kevbe Simẹi. 7 Ọ keghi mwẹ ovbi ọtiọnrẹn ọkpa, ọmọ okhuo nọ, a kegha tie ẹre Ẹsta, sokpan eni na tie ẹre vbe Hibru kegha re Hadasa, irẹn kegha re ọmọ okhuo nọ mose, nọ wa zọ ẹsẹse. Evbibiẹ ọre ghi wulo nẹ, ẹ Modẹkai keghi ya ẹre ye ọmọ, ọ na koko ẹre waan zẹvbe ovbi ẹre. 15 Ọ keghi do sẹ egbe Ẹsta nọ gha rrie ehe ne ọba ye. Ẹsta ne ovbi Abihẹl, kevbe ọtiọnrẹn e Modẹkai nọ ghi muẹn biẹ, zẹvbe ovbi ẹrẹ nokhuo, ọmwa nọ rhirhi miẹn Ẹsta ghi wa hoẹmwẹ ọnrẹn. Ọ ghi sẹ egbe ẹre, ọ keghi mu egbe zẹ vbene Hegai ne ọghẹrriẹnoguan, ne ukọ nẹ ẹrriẹ tama rẹn.