Nehimaia

3 Eliasib ne Ogie Ohẹn kevbe ohẹn ne ihua ẹre keghi dọlegbe bọ Onurho Ohuan, iran keghi yae fi ohan, iran vbe mu ẹkhu yọ. Iran na ya ekẹn ọnrẹn fi ohan ya sẹ Owa Ọkhẹ ọghe Mia kevbe Owa Ọkhẹ ọghe Hananẹl. 5 Emwa ni rre Tẹkoa ẹre ọ bọ ako nọ diakẹe sokpan, iran ni hin usi vbe ẹvbo nii ma ru winna na ya ẹtin ru ne avbe ọkaolotu iran mu ne iran. 12 E Sialọm ne ovbi Halohes, nọ kha yan obọ nọkpa vbe otọ e Jerusalẹm keghi bọ ako nọ diakẹe, ivbi ẹre nikhuo wa vbe gu ẹre winna vbọ. 15 E Sialọn ne ovbi e Kọlhozẹ, nọ kha yan otọ e Mizpa keghi bọ Onurho Ẹzẹ. Ọ keghi ran onurho nọ rrọọ, ọ mu ẹkhu yọ, ọ kevbe viọ asigbe kevbe ogba yọ. A ghi vbe sẹ Ọghọdọ e Siẹla, ọ keghi vbe gbe ekẹn nọ diake ovbi ugbo ọghe Ọba, rhinrin ya sẹ ikpa owẹ ni ke Ẹvbo e Devid dee. 16 E Nehimaia ne ovbi Azbuk nọ kha yan obọ ọkpa vbe otọ e Bẹtzọ keghi bọ ako nọ diakẹe, ya sẹ Idin e Devid, ọghọdọ kevbe agọ ivbiyokuo. 17 Avbe Ivbi e Livai na ẹre ọ bọlọ ako nibun ni lelẹe: E Rehum ne ovbi e Bani ẹre ọ bọ ako nọ lelẹe. E Hasiabaia, nọ khaevbisẹ yan obọ ọkpa vbe otọ e Keila keghi bọ ako nọ lelẹe vbe ẹvbo ẹre. 18 Avbe etẹn iran keghi vbe bọ ako nọ lelẹe: E Bavai ne ovbi e Hanadad nọ khaevbisẹ yan obọ nọkpa vbe otọ e Kẹila keghi bọ ako nọ lelẹe. 19 Ezẹ ne ovbi e Jẹsua, nọ khaevbisẹ yan e Mizpa keghi bọ ako nọ lelẹe nọ rre odaro ehe na vio emwi igbinna yi, rhinrin ya sẹ ehe ne ekẹn ke vbokho egbe ghee ehe ọvbehe. 20 E Barọk ne ovbi e Zabai keghi bọ ako nọ lelẹe rhinrin ya sẹ onurho ọghe owa Eliasib ne Ogie Ohẹn. 21 E Mẹrẹmot ne ovbi Uraia kevbe eyẹ ọghe Hakoz keghi bọ ako nọ lelẹe rhinrin ya sẹ ufomwẹ owa Eliasib. 22 Avbe ohẹn na ẹre ọ bọ avbe ako nibun ni lelẹe. Avbe ohẹn ni ke ọkpẹn e Jerusalẹm rre, ẹre ọ bọ ako nọ lelẹe, 23 E Bẹnjamin kevbe Hasiub keghi bọ ako nọ lelẹe nọ rre odaro owa iran; Azaraia ne ovbi e Maasẹia kevbe eyẹ Ananaia keghi bọ ako nọ lelẹe nọ vbe rre odaro owa irẹn. 24 E Binnui ne ovbi e Henadad keghi bọ ako nọ lelẹe, ke owa Azaraia kpa ya sẹ igọgọ ekẹn nii.