Nehimaia

2 Vbe uki e Nisan, vbe ukpo nogie ugie ọghe Ọba Atakzaziz, ayọn kegha rre ọre odaro, ze vbene I ka ru ẹre dee yi, I na sa ayọn mu gie Ọba. Ọ ma he miẹn mwẹ vbe uwu akhiẹ vbẹrriọ ẹdẹ. 2 Rhunmwuda ọni, ọ keghi nọ wẹẹ, “Vbọzẹ ne aro ruẹ i na mose vbe uhunmwu, vbene u i na khuọnmwi? I yayi wẹẹ ọ mwẹ emwi nọ kpokpo ruẹ vbe orhiọn.” Ohan keghi mu mwẹ. 3 Rhunmwuda ọni, I keghi wanniẹn wẹẹ, “U gha tọ, u kpẹre Umogun, vbọzẹ ne aro mwẹ khian na gha mose vbe uhunmwu, ugbẹnvbe a miẹn wẹẹ ẹvbo na ree avbe erha mwẹ odede yi, a rẹnkhẹn ọnrẹn rua, a keghi ya erhẹn giẹn urho nọ rrọọ?” 4 Ọba kẹghi nọ wẹẹ, “De emwi ne u gualọ yi?” Vbobọvbobọ nii, I kẹghi na erhunmwu gie Osanobua ẹrinmwi. 5 Iyeke ọni, I na tama ọba wẹẹ, “Adeghẹ I miẹn aro nọ maan vbe obọ ruẹ, umogun, u na vbe wẹẹ u gha rhie emwi nẹ I nọ rẹn mẹ, gu mwẹ gha rrie Juda, ẹvbo nii na ree avbe erha mwẹ odede yi, nẹ I ya dọlọ ẹvbo nii bọ.” 6 Ehe ne ọgbaisi na tota nii, amwẹ ọnrẹn keghi vbe tota kẹe, ọ keghi yobọ ye emwi ne I nọ rẹn. Ọ keghi nọ mwẹ vbene I gha kpẹẹ sẹ hẹ, kevbe ẹghẹ ne I gha ya werriegbe rre, I na tama rẹn. 11 Mẹ kegha rrie Jerusalẹm. I keghi dia evba ya vbe ikpẹdẹ eha. 12 I na kpaegbe vbe asọn, I na vio ihua mwẹ eso ba egbe ladian, I ma tama ọmwa rhọkpa, emwi ne Osanobua rhie yọ mwẹ ekhọe ne I do ru ne Jerusalẹm. Ẹsin ne imẹ hinrin ọkpa ẹre ọ ghaa re aranmwẹ ne ima mu gha khian. 13 Asọn he ye nọ vbe ima la Onurho Iya ladian orere ẹvbo vbe obọ orrie, ma keghi khian ghee odẹ ekẹn, a na la Ẹzẹ Ugbogiorinmwi gberra gha rrie Onurho Otiku. Vbene I lae khian, I kegha ghee ehe ne ekẹn ẹvbo nii na guọghọ kevbe avbe onurho ne erhẹn giẹn rua. 14 I keghi gberra ghee odẹ ahọ Onurho Ẹzẹ kevbe Ọghọdọ Ọba, ekẹtẹkẹtẹ ne I ya khian ma miehe la. 15 I keghi rhunmwuda ọni la ghee Iya Kidrọn, I na gha ghee egbekẹn nii. I keghi la ehe ne I la rre werriegbe ya la Onurho Iya la orere ẹvbo. 16 A ma miẹn ọkpa vbe uwu iran ni rre asẹ vba nọ rẹn ehe ne I yo ra emwi ne I ghaa ru. Do sẹ ẹghẹ na, I ma he ta ẹmwẹ rhọkpa ma ọmwa rhọkpa vbe uwu avbe Ju ne iho mwa, avbe ohẹn, avbe ọkaolotu, iran ni rre asẹ ra ọmwaikọmwa nọ ghaa mwẹ obọ vbe iwinna nii. 17 Sokpan vbe okiekie, I keghi tama iran wẹẹ, “Uwa ghee uwu ọlọghọmwa ne ima ye rhunmwuda ne Jerusalẹm na rẹnkhuan, a keghi vbe guọghọ onurho ni rrọọ rua! Uwa gi ima dọlegbe gbe ekẹn nọ lẹga ẹvbo na, ne ima ban ukpọn emwi ekhue hin ẹkun rre.” 18 I keghi vbe tama iran vbene Osanobua wa yaba mwẹ hẹ, ọ na vbe yọ mwẹ obọ, kevbe ẹmwẹ ne ọgbaisi tama mwẹ. Iran hia keghi wanniẹn wẹẹ, “Gi ima suẹn gha dọlegbe bọe nian.” Iran keghi mu egbe ne iran gha ya suẹn iwinna nii. 19 Ugbẹnvbe Sanbalat, e Tobaia kevbe Igabari ọkpa na tie ẹre Gẹsiẹm ghi họn emwi ne ima mu egbe ẹre ne ima ru, iran keghi suẹn gha giẹ ima, iran wẹẹ, “De emwi ne uwa roro ighẹ uwa ru na yi? Te uwa khian sọtẹ daa ọgbaisi ra?” 20 Mẹ keghi wanniẹn wẹẹ, “Osanobua ẹrinmwi gha rhie arudinnodẹ ne ima, eguọmwadia ẹre ma khin, te ima khian suẹn gha bọe na. Sokpan, emwi ewe rhọkpa ma khẹke uwa vbe Jerusalẹm, avbe emwi arre na ru vbọ ma vbe kaan uwa.”