Nehimaia
13 Ugbẹnvbe iran ghi tie Uhi e Mozis ladian ye emwa nii ehọ, iran keghi sẹ ehe na gbẹnnẹ ọnrẹn yi wẹẹ na ghẹ gi Ivbi Amọn kevbe Ivbi e Moab deba emwa Osanobua. 2 Emwi nọ si ọna ọre wẹẹ, Ivbi Amọn kevbe Ivbi e Moab ma rhie evbare ne Ivbi Izrẹl, iran ma vbe sa amẹ ne iran wọn vbe ẹghẹ ne iran na gha ke otọ Igipt dee. Sokpan, iran keghi rhie igho ne Balam nọ do fi Ivbi Izrẹl unu, sokpan Osanobua mwa keghi fi ihẹn nii werriẹ khian erhunmwu. 4 Ẹghẹ nọ taẹn ẹre Eliasib ne ohẹn nọ gbaroghe aza Ọgua Osa, kevbe Tobaia gba ya gha ru ọse. 5 Ọ keghi kue ne Tobaia gha rre ughugha nọkhua na wẹẹ na viọ avbe ọka imuohan kevbe eturari yi deba avbe emadogua na loo vbe Ọgua Osa. Emwi ihaoko na viọ gie avbe ohẹn kevbe a ghae ye ihe igbe ọghe ọka, ayọn, ofigbọn oliv na viọ ne avbe Livai, avbe ikpemaba ọghe Ọgua Osa kevbe avbe abodẹ ọghe Ọgua Osa. 7 ọ keghi kue yọ mẹ, I na dọlegbe gha die Jerusalẹm. I ghi sẹ evba, udu mwẹ keghi mu waa vbe I miẹn wẹẹ Eliasib gie Tobaia gha rre ughugha ọkpa vbe Ọgua Osa. 8 Ohu mu mwẹ ẹsẹse, I keghi filo emwi e Tobaia hia ladian vba. 9 I na wẹẹ ne iran ya họnmwẹ avbe ughugha nii, kevbe wẹẹ na viọ emadogua Ọgua Osa, avbe ọka imuohan, kevbe eturari dọlegbe ye evba. 10 I keghi vbe họn wẹẹ, iran ni so ihuan vbe Ọgua Osa kevbe avbe Ivbi e Livai kpaa vbe Ọgua Osa rre gha rrie ugbo iran, rhunmwuda, avbe emwa nii ma ghi viọ emwi nọ gha sẹ iran gha re rre.