Ẹzra
10 Te Ezra wa mu aro ye ẹmwẹ uhi e Jehova na ruẹ, kevbe na ya ru emwi kevbe nọ gha maa ivbi Izrẹl uhi nii kevbe ilele ni rrọọ. 25 “Uwẹ ne Ẹzra, u ghi loo ẹwaẹn ne Osanobua ruẹ rhie nuẹn, ne u zẹ iran ni khaevbisẹ kevbe ni bu ohiẹn, ne iran gha gbaroghe avbe emwa hia ni lele Uhi Osanobua ruẹ vbe odẹ orrie ọghe Yufretes. U ghi ma iran hia uhi nii, ighẹ avbe emwa ni ma he te ka rẹn ọnrẹn. 27 Ẹzra keghi kha wẹẹ, ”Wa rho e Jehova ne Osanobua avbe erha mwẹ odede. Ọ ru ẹre ne ọgbaisi ya ọghọ ne ọgua Osa ọghe Jehova nọ rre Jerusalẹm. 28 Vbekpa ẹse ọhẹ Osanobua, I miẹn aro nọ maan nẹ vbe obọ ọgbaisi kevbe iran ni gue ẹre zẹ iro, kevbe avbe emwa iwinna ni kọnkọn hia. E Jehova ne Osanobua mwẹ rhie igiọdu mẹ nẹ, I na vbe sẹtin fi eni bun vbe uwu avbe ọkaẹgbẹẹ Izrẹl ekhọe werriẹ we ne iran lele mwẹ gha dee.”