1 Ọba

7 E Solomọn keghi vbe bọ ẹguae ọghe obọ ẹre, ukpo iweha ẹre ọ ya bọe. 2 Ọgua Ẹgbo ọghe Lebanọn kegha re ibata igbe yan ikiọkhọe vbe utanmwẹ (150), isẹn irrọvbe iyenẹ (75) vbe uvbẹmwẹ kevbe isẹn yan iyeva (45) vbe uyomwẹ. 3 Ọ kegha mwẹ ọgbagba eha ọghe orrẹ ọghe erhan e sida, orrẹ ekesugie ẹre ọ rre ọgbagba ọkpọkpa vbene egbaha ọghe sida na vbe hẹnhẹn egbe yan iran. E sida ẹre a ya hie ẹre, ọ keghi vbe niẹn obọ gberra aza na viọ emwi yi na vbe ya orrẹ mu rrọọ. 4 Ọgbagba ewindo eha kegha rre ekẹn ni rre obọ eveva. 5 Avbe onurho kevbe avbe ewindo ni rrọọ kegha re na mwa rẹn, ne utanmwẹ ọnrẹn sẹ uvbẹmwẹ ọnrẹn, sokpan, avbe ewindo nii keghi re ọgbagba eha ni viọ aro daa egbe vbe uviẹn nii. 6 Ọgua orrẹ kegha re ibata isẹn irrọvbe iyenẹ (75) vbe utanmwẹ kevbe isẹn yan iyeva vbe uvbẹmwẹ, ọ kegha mwẹ ọlẹla na bọ ẹre uhunmwu, na ya orrẹ kpa. 7 Ugha Ẹkete, na vbe tie ẹre Ọgua Ibuohiẹn, ehe ne Solomọn na tota bu ohiẹn, kegha mwẹ ekpatako e sida ke otọ ya sẹ ihie. 8 Ugha ọghe Solomọn ni rrọọ, nọ vbe rre iyeke Ọgua Ibuohiẹn, vbene a bọlọ nikpa ẹre a vbe bọe. Ọ kevbe bọ owa nọ ye vberriọ ne amwẹ ọnrẹn ne ovbi ọba Igipt. 9 Avbe owa na hia, okuta na ya bọe ke otọ ya sẹ ọbọtuo, ehe na na giagia okuta ẹre a na gia ehia, a na giagiae vbene a gualọe yi, a keghi ya ọsara rriẹ ẹre aro kevbe iyeke. 10 Ẹyotọ ọre, okuta nikhua na giagiae vbe ehe na na giagia okuta, ẹre a ya gbe ẹre. Eso vbọ kegha re ibata iweva vbene eso na re ibata ekesugie. 11 A keghi vbe munọ okuta na mwa rẹn gia yan rẹn, a keghi vbe viọ ekpatako e sida yan enii. 12 Ugha ẹguae, kevbe ikun nọ ke uwu ẹre vbe Ọgua Osa, kevbe ehe na la la Ọgua Osa, ekẹn na gbe yọ kegha re na gha na mu ekẹn eha ọghe okuta yan egbe nẹ, a ghi vbe mu ekpatako ọkpa yan rẹn. 15 E Huram keghi dunmwu orrẹ ọghe oze eva, ọkpọkpa vbọ kegha re ibata isẹn irrọvbọgban (25) vbe uyomwẹ, kevbe ibata evairrọvbugie vbe a gha mwa rẹn lẹga. Ọ keghi viọ iran ye onurho na la la Ọgua Osa. 16 Ọ keghi vbe dunmwu egbaha eva, ne ọkpọkpa na re ibata ihinrọn vbe ukhiọnmwẹ, ọ na viọ iran rrọọ ye uhunmwu orrẹ nii. 21 E Huram keghi viọ orrẹ eva na, ye onurho na la la Ọgua Osa, ọ kegha tie nọ rre odẹ ekẹn vbọ e Jakin, ọ kegha tie nọ rre odẹ okuọ e Boaz. 23 E Huram keghi ru ẹgbẹdin oze nọ re ibata ihinrọn vbe ukhiọnmwẹ vbe udinmwimwẹ, ibata ekesugie vbe a gha mwa rẹn lẹga.