1 Ọba

2 E Devid ghi ra wu, ọ keghi tie Sọlomọn ne ovbi ẹre, ọ keghi gie uhunmwu okiekie wẹẹ: 2 ”‏Ẹdẹ uwu mwẹ rre nẹ. Gha mwẹ udinmwẹ, ghẹ vbe ru emwi ọvbokhan, 3 ne u gha ru avbe emwi ne Jehova ne Osanobua ruẹ tama ruẹ ne u ru. U ghi gha ya uhi ẹre kevbe ilele ẹre ru emwi zẹ vbe na gbẹnnẹ ọnrẹn ye uhi e Mozis; ne emwi hia ne u ru miẹn ehe na gha dinna odẹ nuẹn vbe ehe ne u rhirhi mu uhunmwu da. 15 Irẹn keghi wanniẹn wẹẹ, “U rẹnrẹn wẹẹ mẹ ẹre ọba te sẹ ọre egbe, emwa hia ni rre Izrẹl te rhie aro yọ wẹẹ, mẹ ẹre ọ khian gha re ọba. Sokpan, ọ ma ghi de vberriọ, ọtẹn mwẹ ẹre ọ ghi rri ọba rhunmwuda, erriọ ẹre Jehova gualọ yi. 16 Banbanna nian, emwi ọkpa ẹre I do nọọn, ghẹ mwẹ u ma ru ẹre mẹ.” 17 E Batsiẹba keghi nọ rẹn wẹẹ, “De emwi nọ khin yi?” Irẹn keghi wanniẹn wẹẹ, “Lahọ, tama e Solomọn nọ rhie Abisiag ne ovbi ẹvbo e Siunẹm mẹ rhie rọnmwẹ, mẹ rẹnrẹn wẹẹ, ẹi ra he uhunmwu na ye ruẹ obọ.” 22 Ọba na nọ wẹẹ, “Vbua na wẹẹ ne I rhie Abisiag nẹẹn hẹ yi? U sẹtin wẹẹ ne I wa vbe mu ẹkete nẹẹn. U rẹnrẹn wẹẹ ọtẹn mwẹ nọdiọn nọ, Abiata ne ohẹn kevbe Joab, ọghẹe ẹre iran ta yi?” 23 Ẹre Solomọn na yan wẹẹ, “Te Osanobua gha kinmwi mwẹ gbe rua, adeghẹ I ma ru ẹre ne Adonaija ye uhunmwu khiọ emwi nọ nọ rẹn na! 37 U gha khian gbera Ẹzẹ e Kidrọn, te u ya uhunmwu khiẹ ọre, emwi ne u ya obọ ruẹ si nọ.” 41 E Solomọn keghi họn wẹẹ: E Simẹi kpa hin e Jerusalẹm rre gha rrie Gat, ọ vbe rre nẹ. 42 Ọ na gie na tie ẹre, ọ wẹẹ, “I ya ruẹ vẹn ihẹn wẹẹ ne u ghẹ ladian hin e Jerusalẹm rre, I keghi vbe ya obọ sẹ ekhae nuẹn wẹẹ u gha ladian, te u wu yọ. Ẹi re te u kue yọ vberriọ ẹghẹ nii wẹẹ, u gha ru vbene I khare? 43 Vbọzẹ ne u ma na ghi mu eyan ruẹ sẹ nian, ne u ma na ru vbene I khare? 44 U rẹnrẹn ẹsẹse, avbe emwi dan ne u ru erha mwẹ ighẹ Devid re. Te Jehova khia rria ruẹ ikhi yọ. 45 Sokpan, ọ gha fiangbe mwẹ, ọ ghi vbe gi arri ọba e Devid digiẹ vbe ẹdẹdẹmwẹdẹ.” 46 Ẹre ọba na gie Benaia uhunmwu, irẹn na gha khian, ọ na ya gbe Simẹi rua. Ẹghẹ na, te obọ e Solomọn ghi wa gba emwi hia fẹẹrẹ.