1 Ọba

11 E Solomọn keghi hoẹmwẹ ikhuo eghọẹn nibun. Gberra ovbi ọba ọghe Igipt, ọ na vbe viọ ikhuo e Hiti, e Moab, Amọn, Idọm kevbe Saidọn. 2 E Jehova ka ya obọ sekhae ne Ivbi Izrẹl nẹ, vbekpa emwa ni ke avbe agbẹnvbo na rre wẹẹ: Uwa ghẹ rhie ivbi iran rọnmwẹ ra ne ivbi uwa vbe rọnmwẹ iran, rhunmwuda, iran gha ya uwa ne Ivbi Izrẹl gha ga ẹbọ ọvbehe. 3 E Solomọn keghi viọ ikhuo ni re ivbi ọba iyisẹn yan arria eha (700) rọnmwẹ. Ọ keghi vbe zẹlẹ ọse iyisẹn yan uri (300). Iran keghi yae fi iyeke gbe Osanobua. 4 Ọ ghi khian ọmaẹn nẹ, iran keghi si ẹre la ẹbọ ẹrrẹe na gho, ọ ma ghi ya ekhọe hia lele Jehova ne Osanobua ẹre, zẹ vbene Devid ne erhae ghaa ye. 5 Ọ kegha gho Astorẹt ne ẹbọ nokhuo ọghe Saidọn kevbe Milkọm ne ẹbọ emwi ekhue ọghe Amọn. 6 Ọ keghi ru orukhọ ghee Jehova, ọ ma ghi ya ekhọe hia họn ẹmwẹ ne Jehova, zẹ vbene Devid ne erhae ghaa ye. 9 Ohu e Solomọn keghi mu e Jehova, rhunmwuda ọ ma ghi gha ya ekhọe hia lele Jehova ne Osa ọghe Izrẹl nọ rhiegbe ma rẹn igbava. 43 Ọ ghi wu, a na re ẹre bae avbe erhae odede. E Rehoboam ne ovbi ẹre keghi rriọba lele ẹe.