2 Samuẹl

18 Vbe ẹdẹ nẹdẹrriọ, e Gad keghi bu e Devid gha khian, ọ tama rẹn wẹẹ, “Gha rrie isi okọ ọghe Arauna ne u ya gba aka ye evba ne Jehova.” 21 Ọ nọ rẹn wẹẹ, “umogun, vbua do ru vbe emwa na yi?” E Devid keghi wanniẹn wẹẹ, “Te I do dẹ isi okọ ruẹ ne I gba aka yọ ne Jehova, nọ miẹn ehe na da obọ egboghogbogho na yi.” 22 Arauna keghi kha wẹẹ, “U gha tọ u kpẹre umogun, mu gha khian ne u yae zọ ese nọ khọn ruẹ, ghee avbe ẹmila na gha giẹn ya zọ ese, ghe urọnghọn ẹmila kevbe uhanhan iguọghọka iran, na ya hie erhẹn.” 23 Arauna keghi viọ ehia ne ọba, ọ keghi kha wẹẹ, “Te Jehova ne Osanobua ruẹ gha rhan obọ miẹn ese ruẹ.” 24 Sokpan, ọba keghi wanniẹn wẹẹ, “Ẹn o, te I gha ha osa yọ. Mẹ I ra ya emwi nọ ma rhie emwi rhọkpa hin mwẹ obọ rre zọ ese ghee Jehova.” Ọ keghi ya igho esiliva ekigbesiyeha dẹ isi okọ nii. 25 Ọ keghi gba aka ye evba ne Jehova, ọ na zọ ese na giẹn ruan kevbe isara. E Jehova keghi họn erhunmwu ẹnrẹn, egboghogbogho nii keghi dobọyi vbe Izrẹl.