2 Samuẹl

15 Vbe iyeke ọnọna, Absalọm keghi ya viọ ẹsin kevbe ikẹkẹ okuo, deba ivbiyokuo ekigbesiyeha nọ gha rhulẹ ke odaro ne irẹn. 2 Absalọm gha rhiọrre vbe owiẹ vbirivbiri, ọ ghi ya mudia ye odẹ vbe ehe na la la ore ẹvbo. Ọmwaikọmwa ghaa dee nọ do gu ọba guan vbekpa ẹmwẹ nọ hoo ne ọba guan yi, Absalọm ghi tie ẹre rrie egbe, ọ ghi nọ ehe nọ ke rre. Ọmwa nii gha kha wẹẹ, “Enọwanrẹn ẹgbẹe vbenian vbe Izrẹl ẹre I ke rre.” 3 Absalọm ghi kha wẹẹ, “U ma miẹn nian, u te wa rri ase, sokpan, ọmwa ne ọba zẹ ye otọ i rrọọ, nọ gha guan yọ nuẹn.” 4 Absalọm ghi vbe rhie tẹ wẹẹ, “Akpawẹ ọmwa nọ bu ohiẹn ẹre I wa khin nian! Ọmwaikọmwa nọ mwẹ ẹzọ sẹtin gha bu mwẹ rre, l ghi bu ohiẹn ẹmwata nẹẹn.” 5 Ọmwa nii gha ghi sikẹ Absalọm nọ diguẹ tuẹ ọre, Absalọm ghi muẹn, ọ ghi si ẹre kẹ egbe, ọ ghi mu unu soso ẹre unu. 6 Erriọ ẹre Absalọm wa gha ru emwa hia ni bu ọba rre nọ bu ohiẹn iran. Erriọ ẹre ọ ya silo ehia ba egbe. 10 Sokpan, ọ keghi gie na tama ẹwae ni rre Izrẹl hia wẹẹ, “Uwa gha họn vbe a kpee okpe, uwa ghi kha wẹẹ, ‘Absalọm rri ọba nẹ vbe Hibrọn!’” 11 Orhunmwu uri keghi lele Absalọm kpa vbe Jerusalẹm, vbe uwu avbe emwa nọ tiere; iran na ma rẹn isọtẹ nọ ghae yi, okhian ẹmwata ẹre iran ghaa rrie. 12 Ẹghẹ nọ ghi na gha zọ ese, Absalọm keghi gie ya tie Ahitofẹl ke Gilo rre, ọkpa vbe iran ni gu e Devid ne ọba zẹ iro ẹre irẹn khin. Ekhuan isọtẹ ne iran khuan khẹ ọba kegha mu otọ yọ, iran ni lele Absalọm khian kegha bun yọ. 14 Ẹre Devid na tama ekhaẹmwẹ ọnrẹn ni gu ẹre rre Jerusalẹm wẹẹ, “Te ima gha zẹgiẹ ladian na miẹn ehe na miẹn uhunmwu vbe obọ Absalọm. Egiẹgiẹ, nẹ ghẹ ya rre banban na, obọ ẹre ghi ke ukhunmwu ne ima, ọ ghi gbele emwa hia ni rre orere ẹvbo rua.” 19 Ọba keghi tama Itai ne ọkaolotu iran wẹẹ, vbọzẹ ne u na lele ima khian yi. Werriegbe ne u ya tota ke ọba nọ ghi vbe rre ẹkete na. Orhunmwuyẹn uwẹ khin, ọmwa ne ọlọghọmwa khu hin ẹvbo ẹre rre. 20 Ọ ma he kpẹe ne u sẹ edinran, vbọzẹ ne u khian na ghi gha zozo lele mwẹ khian hẹ? Mẹ ma rẹn ehe ne I rrie. Viọ ivbi ẹvbo ruẹ, ne u werriegbe. Te Jehova gha tohan uwa nọ mudia ke uwa. 21 Sokpan, Itai wanniẹn wẹẹ, “I ya eni e Jehova vẹn ihẹn umogun wẹẹ, ehe ne u rhirhi la, ẹre I ra lele ruẹ la, ọ gha khọn rẹn nọ gha re ọghe uwu.” 22 E Devid keghi wanniẹn wẹẹ, “Ọ maan khekherriọ, khianmwu.” Ẹre Itai na gha khian vbe odaro, irẹn kevbe emwa rẹn deba emwa iran hia. 27 Ọ keghi bu Zadọk gha khian, ọ tama rẹn wẹẹ, “Rhie ovbi ruẹ ighẹ Ahimaz kevbe Jonatan ne ovbi Abiata, ne uwa werriegbe gha rrie ore ẹvbo vbe ọfumwegbe. 28 Vbe banbanna nian, I gha yakọ vbe ehe ne a na fian ẹzẹ rra vbe uwu ẹgbo vbe u te gie uhunmwu gun mwẹ!” 29 Ẹre Zadọk kevbe Abiata na mu Ẹkpẹti Ile ọghe Osanobua ọghe ẹmwata werriegbe gha rrie Jerusalẹm, iran na gha rre evba