1 Be Ɲoliɛ

3 Ba yasua nga Davidi wuli be Ebrɔn+ lɔ’n be yɛ: Amnɔn+ m’ɔ ti i wa klikli’n. I nin’n yɛle Asinoamun,+ ɔ fin Zizreɛli. I nɲɔn su’n yɛle Daniɛli. Be flɛ i nin’n kɛ Abigaili,+ ɔ ti Kaamɛlifuɛ. 2 I nsan su’n yɛle Absalɔmun.+ Talmai m’ɔ ti Gesuri famiɛn’n i wa bla Maaka i wa-ɔ. I nnan su’n yɛle Adonia.+ Agiti i wa-ɔ. 3 I nnun su’n yɛle Sefatia, i nin’n yɛle Abitali. I nsiɛn su’n yɛle Itreamun, i nin’n yɛle Davidi i yi Egla. 4 Ɔ wuli ba nsiɛn sɔ mun Ebrɔn lɔ. Ɔ dili famiɛn afuɛ nso nin anglo nsiɛn lɔ, kpɛkun ɔ dili famiɛn afuɛ ablasan-nin-nsan (33) Zerizalɛmun lɔ.+

5 Ba yasua ng’ɔ wuli be Zerizalɛmun lɔ’n be yɛ:+ Simea, Sobabu, Natan,+ yɛ Salomɔn.+ Ba nnan sɔ’m be nin’n yɛle Amiɛli i wa Bati-Seba.+ 6 Davidi wuli ba ngwlan ekun. Be yɛle Ibaa, Elisama, Elifelɛti, 7 Noga, Nefɛgi, Zafia, 8 Elisama, Eliada, yɛ Elifelɛti. 9 Be kwlaa sɔ’m be ti Davidi i wa yasua mun. Ɔ nin i yi wie mun ekun be wuli ba. Yɛ i mma’m be niaan bla’n suan Tamaa.+

10 Salomɔn i wa yɛle Roboamun,+ Roboamun i wa yɛle Abia,+ Abia i wa yɛle Aza,+ Aza i wa yɛle Zozafati,+ 11 Zozafati i wa yɛle Zoramun,+ Zoramun i wa yɛle Akazia,+ Akazia i wa yɛle Zoasi,+ 12 Zoasi i wa yɛle Amazia,+ Amazia i wa yɛle Azaria,+ Azaria i wa yɛle Zotamun,+ 13 Zotamun i wa yɛle Akazi,+ Akazi i wa yɛle Ezekiasi,+ Ezekiasi i wa yɛle Manase,+ 14 Manase i wa yɛle Amɔn,+ Amɔn i wa yɛle Zoziasi.+ 15 Zoziasi i mma’m be nun kpɛn’n yɛle Zoanan, be nɲɔn su’n yɛle Zozakimun,+ be nsan su’n yɛle Sedesiasi,+ be nnan su’n yɛle Salɔmun. 16 Zozakimun i wa yɛle Zekoniasi,+ i kusu i wa yɛle Sedesiasi. 17 Zekoniasi m’ɔ ti bisuafuɛ’n i mma mun yɛle Sealtiɛli, 18 nin Malkiramun, nin Pedaya, nin Senazaa, nin Zekamia, nin Osama, nin Nedabia. 19 Pedaya i mma mun yɛle Zorobabɛli+ nin Simei. Zorobabɛli i mma mun yɛle Mesulamun nin Anania (be niaan bla yɛle Selomiti). 20 Ɔ le ba nnun ekun. Be yɛle Asiba, nin Oɛli, nin Berekia, nin Asadia, ɔ nin Zusabu-Esɛdi. 21 Anania i mma mun yɛle Pelatia, nin Zesaya. Zesaya i wa* liɛ’n yɛle Refaya. Refaya i wa* yɛle Aanan. Aanan i wa* yɛle Abdiasi. Abdiasi i wa* yɛle Sekania. 22 Sekania i mma mun yɛle Semaia, yɛ Semaia i mma mun yɛ: Atisi, Igali, Baria, Nearia, yɛ Safati. Be kwlaa be ti nsiɛn. 23 Nearia i mma mun yɛle Elionai, nin Ezekia, nin Azrikamun. Be ti nsan. 24 Elionai i mma mun yɛle Ɔdavia, nin Eliasibu, nin Pelaia, nin Akubu, nin Zoanan, nin Delaya, ɔ nin Ananin. Be ti nso.