1 Be Ɲoliɛ
24 Be bubuli Aarɔn i osu’n nunfuɛ’m be nun akpasuaakpasua. Aarɔn i mma mun yɛle Nadabu, nin Abiu,+ nin Eleazaa ɔ nin Itamaa.+ 2 Sanngɛ Nadabu nin Abiu be wuli kwlaa naan be si w’a wu.+ B’a wuman ba. Eleazaa+ nin Itamaa be liɛ’n, be yoli Ɲanmiɛn ɲrun jranfuɛ titi. 3 Davidi nin Zadɔku+ m’ɔ ti Eleazaa i osu’n nunfuɛ’n, ɔ nin Aimelɛki m’ɔ ti Itamaa i osu’n nunfuɛ’n, be bubuli be nun akpasuaakpasua naan b’a man be junman. 4 Kpɛnngbɛn nga be fin Eleazaa i osu’n nun’n, be sɔnnin tra Itamaa i osu’n nun liɛ mun. Ɔ maan kɛ be bubuli kpɛnngbɛn’m be nun’n, Eleazaa i osu’n nun’n, awlobo kpɛnngbɛn’m be yoli sran blu-nin-nsiɛn (16), yɛ Itamaa i osu’n nun’n, awlobo kpɛnngbɛn’m be yoli sran mɔcuɛ.
5 Be tuli fɔtɔ be bue nɲɔn’n be nun naan b’a bubu be nun ekun.+ Afin maan ɔ yo Eleazaa i osu’n nun-o, annzɛ Itamaa i osu’n nun-o, kpɛnngbɛn wie’m be nian lika m’ɔ ti Ɲanmiɛn liɛ klonglo’n su, yɛ wie’m be di junman man Ɲanmiɛn Kpli. 6 Semaia i wa Netanɛli m’ɔ ti Levifuɛ’m be fluwa klɛfuɛ’n klɛli be dunman. Kɛ ɔ́ yó sɔ’n, nn famiɛn’n, nin sran dandan mun, nin Ɲanmiɛn ɲrun jranfuɛ Zadɔku,+ nin Abiataa+ i wa Aimelɛki,+ ɔ nin Levifuɛ mun nin Ɲanmiɛn ɲrun jranfuɛ’m be awlobo’m be su kpɛn’m be o lɛ. Kɛ be fa Eleazaa i osu’n nun awlobo kun’n, i sin’n be fa Itamaa i osu’n nun awlobo kun.
7 Fɔtɔ klikli nga be tuli’n tɔli Zozaribu su. I nɲɔn su’n tɔli Zedaia su. 8 I nsan su’n tɔli Arimun su. I nnan su’n tɔli Seorimun su. 9 I nnun su’n tɔli Malkia su. I nsiɛn su’n tɔli Mizamɛn su. 10 I nso su’n tɔli Akɔzu su. I mɔcuɛ su’n tɔli Abia+ su. 11 I ngwlan su’n tɔli Zesua su. I blu su’n tɔli Sekania su. 12 I blu-nin-kun (11) su’n tɔli Eliasibu su. I blu-nin-nɲɔn (12) su’n tɔli Zakimun su. 13 I blu-nin-nsan (13) su’n tɔli Ipa su. I blu-nin-nnan (14) su’n tɔli Zesebeabu su. 14 I blu-nin-nnun (15) su’n tɔli Bilga su. I blu-nin-nsiɛn (16) su’n tɔli Imɛɛ su. 15 I blu-nin-nso (17) su’n tɔli Ezii su. I blu-nin-mɔcuɛ (18) su’n tɔli Apizɛzi su. 16 I blu-nin-ngwlan (19) su’n tɔli Petaya su. I ablaɔn (20) su’n tɔli Zeɛzikɛli su. 17 I ablaɔn-nin-kun (21) su’n tɔli Zakɛn su. I ablaɔn-nin-nɲɔn (22) su’n tɔli Gamili su. 18 I ablaɔn-nin-nsan (23) su’n tɔli Delaya su. I ablaɔn-nin-nnan (24) su’n tɔli Maazia su.
19 Kɛ be siesieli be kɛ ngalɛ’n sa yɛ be ba Zoova i sua’n nun be wa di be junman’n niɔn.+ Ajalɛ nga Zoova m’ɔ ti Izraɛli Ɲanmiɛn’n kleli be nannan Aarɔn m’ɔ kpɛli i ba’n, i su yɛ be niannin-ɔn.
20 Levifuɛ onga’m be nun’n: Amramun+ i mma’m be nun’n, Subaɛli.+ Subaɛli i mma’m be nun’n, Zedeia. 21 Reabia+ i mma’m be nun’n, Isia m’ɔ ti be su kpɛn’n. 22 Izearifuɛ’m be nun’n, Selomɔtu.+ Selomɔtu i mma’m be nun’n, Zaati. 23 Ebrɔn i mma’m be nun’n, Zeriya+ m’ɔ ti be su kpɛn’n. Be nɲɔn su’n yɛle Amaria, be nsan su’n yɛle Zaaziɛli, be nnan su’n yɛle Zekameamun. 24 Uziɛli i mma’m be nun’n, Mise. Mise i mma’m be nun’n, Samiri. 25 Mise i niaan bian yɛle Isia. Isia i mma’m be nun’n, Zakari.
26 Merari+ i mma mun yɛle Mali nin Misi. Zaazia i mma’m be nun’n, Beno. 27 Merari i osu’n nun’n: Zaazia i mma’m be nun’n, Beno, nin Soamun, nin Zakiri ɔ nin Ibri. 28 Mali i mma’m be nun’n, Eleazaa mɔ w’a wuman ba yasua’n.+ 29 Kisi i mma’m be nun’n: Zerameɛli. 30 Misi i mma mun yɛle Mali nin Edɛɛ ɔ nin Zerimɔtu.
Levi i mma mun nin be awloboawlobo mun yɛ be o lɛ-ɔ. 31 Be kusu be tuli fɔtɔ+ wie kɛ nga Aarɔn i mma mun mɔ be ti be niaan’n be fa yoli i Famiɛn Davidi, nin Zadɔku, nin Aimelɛki, nin Ɲanmiɛn ɲrun jranfuɛ mun nin Levifuɛ’m be awlobo’m be su kpɛn mun be ɲrun’n sa. Wafa nga be fa yoli be nun kpɛnngbɛn’n i awlobo’n, i kunngba’n yɛ be fa yoli be nun kaan’n i awlobo liɛ’n niɔn.