1 Be Ɲoliɛ
14 Iramun+ m’ɔ ti Tir famiɛn’n sunmannin sran Davidi sin. Asa ekun’n, ɔ ko mɛnnin i sɛdri waka, nin be nga be fa yɔbuɛ be kplan sua’n, nin waka sɛfuɛ mun naan be kplan sua* kun be fa mɛn i.+ 2 Davidi wunnin i wlɛ kɛ Zoova yoli maan i famiɛn dilɛ’n takali kpa Izraɛli nvle’n su,+ naan Izraɛli m’ɔ ti i nvle’n ti’n, ɔ yoli maan i bɔbɔ Davidi i famiɛn diwlɛ’n ɲannin ɲrun.+
3 Kɛ Davidi ɔli Zerizalɛmun’n, ɔ jali bla wie mun ekun.+ Yɛ ɔ wuli ba yasua nin ba bla wie mun ekun.+ 4 Ba ng’ɔ wuli be Zerizalɛmun lɔ’n, be dunman mun yɛ:+ Samia, Sobabu, Natan,+ Salomɔn,+ 5 Ibaa, Elisia, Ɛlpelɛti, 6 Noga, Nefɛgi, Zafia, 7 Elisama, Beeliada, yɛ Elifelɛti.
8 Kɛ Filistifuɛ’m be tili i kɛ b’a sie Davidi i famiɛn Izraɛli nvle wunmuan’n su’n,+ be kwlaa be ɔli Davidi i kunndɛlɛ.+ Kɛ Davidi kusu tili i sɔ’n, ɔ ɔli naan ɔ nin be kó kún. 9 Kɛ Filistifuɛ’m be bali’n, be fali alɛ wlali be nga be tran Refafuɛ’m be Kongo’n+ nun’n be sin. 10 Yɛ Davidi usali Ɲanmiɛn kɛ: “?N wɔ naan e nin Filistifuɛ mun e ko kun? ?Á fá be wlá min sa nun?” Zoova tɛli i su kɛ: “Kɔ, afin ń fá be ń wlá ɔ sa nun sakpasakpa.”+ 11 Ɔ maan Davidi ɔli Baali-Perazimun+ lɔ naan w’a ko kun be lɛ. Kɛ ɔ yoli sɔ’n, ɔ seli kɛ: “Ɲanmiɛn Kpli w’a yi atin min kpɔfuɛ’m be afiɛn w’a man min kɛ nzue m’ɔ bu talɛ’n naan w’a sin’n sa.” I sɔ’n ti yɛ be tɔnnin lika sɔ’n i dunman kɛ Baali-Perazimun’n* niɔn. 12 Filistifuɛ’m be yacili be amuin’m be lɛ be wanndili. Kpɛkun Davidi seli kɛ be wɔ be nun.+
13 Kɛ i osu cɛli kan’n, Filistifuɛ’m be wa fali alɛ wlali be nga be tran Kongo’n+ nun’n be sin ekun. 14 Davidi usali Ɲanmiɛn i sa ekun, sanngɛ Ɲanmiɛn Kpli tɛli i su kɛ: “Kɛ á kɔ́ be su’n, nán kɔ be ɲrun ndɛnman su. Sanngɛ bu be sin lɔ naan kɛ a ju bo’n* i ɲrun lɛ’n, fa alɛ wla be sin.+ 15 Yɛ kɛ a ko ti like wie i ngan kɛ be su nanti sa’n baka waka’m be ti su lɔ’n, nán sisi ɔ bo, fa alɛ wla be sin. Afin Ɲanmiɛn Kpli dún mmua ɔ ɲrun naan ɔ́ kó kún Filistifuɛ’m be sonja mun.”+ 16 Davidi fali Ɲanmiɛn Kpli i ndɛ’n su sɛsɛsɛ.+ Ɔ maan be kwlali Filistifuɛ’m be sonja mun Gabaɔn lɔ lele fa juli Gezɛɛ.+ 17 Davidi i dunman’n fuli dan nvlenvle kwlaa nun, yɛ Zoova yoli maan nvlenvle kwlaa be nunfuɛ’m be sroli Davidi.+