“Begeonmuna ma Soara ni na Marporang”

Songon on ma na didok si John Simpson, editor urusan dunia, BBC, “Nungnga hira-hira 60 taon au gabe editor. Jala saleleng gabe editor au, nungnga lobi sian 40 barita taringot porang di liat portibi on na husiarhon. Huida do tikki parah Perang Dingin jala toppu ma so porang i. Alai porang na masa di 2025 ma na paling mambahen mabiar. Dang ala masa akka konflik na balga, alai ala adong do sada porang di taon i na boi mambahen muba keadaan ni politik di portibi on.” (Hami do na mambahen cetak tebal on)

Mabiar do akka halak mangida porang na masa di portibi on. Sukkun-sukkun do roha ni nasida, boi do annon so akka porang i. Aha do na diajarhon Jesus taringot i?

Na diajarhon Jesus

Nungnga dipaboa Jesus hian akka na lao masa di jamanta saonari. Didok ibana do tu akka siseanna, “Begeonmuna ma soara ni na marporang dohot barita taringot tu akka parporangan.”—Mateus 24:6.

Pasti marsak do hita mangida porang dohot konflik na masa saonari. Alai boi do pos rohatta na lao denggan do ngolutta di ari na naeng ro. Alana didok Jesus “tanda” ni “panutup ni jaman on” do porang, piga-piga peristiwa, keadaan, dohot pangalaho ni jolma na taida saonari. (Mateus 24:3; Lukas 21:7) Jadi na lao dipaujung Jesus do satokkin nai porang. Boha carana?

Na lao diulahon Jesus

Nungnga gabe Raja ni Harajaon ni Debata be Jesus. Satokkin nai lao “dipaujung [Jesus] do akka porang di saluhut tano on.”—Psalmen 46:9.

Asa diboto hamu aha na lao diulahon Jesus lao pasautton i jala aha manfaatna tu hamu, jaha ma artikel “Songon dia do Ujung ni Porang Dohot Konflik Kekerasan?”