Berbahaya do Mangulahon Ilmu Gaib?

Boha do menurutmu?

• Sala do molo naeng huboto taringot ramalan bintang, bermain jelangkung, manang manukkun tu peramal?

• Molo adong cerita na paboahon taringot ilmu gaib, tutu do i holan paboahon taringot na denggan mangalo na jahat? Manang berbahaya do i?

Di artikel on, lao dibahas ma boasa hira na menarik mamboto taringot ilmu gaib jala boasa ikkon manat ho.

• Boasa hira na menarik ilmu gaib i?

• Boasa ikkon manat?

• Na boi diulahon hamu

• Na didok akka donganmu

Boasa hira na menarik ilmu gaib i?

Godang do uttung na dapot ni industri hiburan marhite mambahen film, acara TV, game, dohot akka bukku na marisi taringot ilmu gaib. Alani i, gabe godang do akka na poso na lomo rohana tu ramalan bintang, akka begu, vampir, dohot tukkang sihir. Adong do piga-piga alasanna boasa lomo roha ni nasida tusi.

• Ala penasaran: Naeng diboto nasida tutu do adong alam roh manang na dang

• Ala khawatir: Naeng mamboto taringot masa depan

• Ala masihol: Naeng makkatai tu halak na dihaholongi nasida naung mate

Memang dang sala akka alasan i. Wajar do molo naeng taboto taringot masa depan manang masihol tu keluarga manang donganta naung mate. Alai ikkon taboto do aha bahaya ni ilmu gaib.

Boasa ikkon manat?

Di Bibel, diorai Jahowa do hita asa unang mangulahon manang aha pe na adong hubunganna tu ilmu gaib. Contohna didok do di Bibel:

“Unang ma adong sian hamu na . . . mangaramal, na mamakke ilmu gaib, na mangido tanda sian datu, na mamakke ilmu sihir, parula-ula, na mangido tudu-tudu tu halak na boi makkatai tu na mate dohot tu peramal, manang na makkatai tu na mate. Magigi do Jahowa tu manang ise pe na mangulahon akka ulaon i.”—5 Musa 18:10-12.

Boasa diorai di Bibel mangulahon ilmu gaib?

• Molo berhubungan hita tu akka suru-suruan na jahat, na tadukung do nasida. Didok di Bibel, molo suru-suruan na jahat i, i ma akka suru-suruan na mangalo tu Debata jala na gabe musu ni Debata. (1 Musa 6:2; Judas 6) Godang do akka halak na dililuhon akka suru-suruan na jahat marhite halak na boi makkatai tu na mate, peramal, dohot datu. Gabe musu ni Debata do hita molo taulahon ilmu gaib.

• Ilmu gaib mambahen halak porsea na boi do jolma mamboto taringot masa depan. Hape holan Debata do na marhak mandok, “Sian mulana nungnga hupaboa hian songon dia ujungna, jala mulai sian najolo nungnga hupaboa akka na so masa dope.”—Jesaya 46:10; Jakobus 4:13, 14.

• Ilmu gaib mambahen halak porsea na boi dope hita makkatai tu halak naung mate. Alai didok di Bibel, “Anggo na mate, dang diboto agia aha. . . Ai dang adong ulaon, rencana, parbinotoan, manang bisuk di bagasan Kuburan.”—Parjamita 9:5, 10.

I do alana dang olo Saksi Jahowa mangulahon akka ulaon na adong hubunganna tu ilmu gaib. Jala dang olo nasida mangida akka hiburan na adong dipatudu disi, songon zombi, vampir, dohot akka na masa na adong hubunganna tu ilmu gaib. Sahalak na poso na margoar si Maria mandok, “Molo adong hiburan na marisi ilmu gaib, dang olo au manonton i.”a

Na boi diulahon hamu

• Pastihon ma ‘asa toktong ias panggora ni roham’ di jolo ni Jahowa marhite dang dohot tu ulaon manang hiburan na adong hubunganna tu ilmu gaib.—Ulaon ni Apostel 24:16.

• Bolokkon ma akka na adong hubunganna tu ilmu gaib. Jaha ma Ulaon ni Apostel 19:19, 20, jala ida ma aha na boi tatiru sian halak Kristen di abad na parjolo.

Ingot ma: Molo dang olo ho mangida akka hiburan na adong hubunganna tu ilmu gaib, na mendukung Jahowa do ho disi. Molo diulahon ho i, gabe las ma roha ni Jahowa mangida ho!—Poda 27:11.