SUKKUN-SUKKUN NI AKKA NA POSO
Aha do na Ikkon Huulahon asa Unang Hurang Modom Au?
Molo dang denggan nilai ujianmu, ra didok roham ala na so marsiajar do ho. Molo dang malo ho tikki pelajaran olahraga, ra didok roham ala na hurang marlatik do ho. Hape sebenarna, olo do ala hurang modom ho. Coba ma pikkirhon on.
Boasa dang boi ho hurang modom?
Menurut akka ahli, godangan sian akka remaja ikkon modom do onom sahat tu ualu jom ganup ari. Boasa penting asa unang hurang modom?
Boi do gabe lam torang pikkiranmu. Adong do na mandok molo modom i songon “sipanganon ni otak”. Molo dang hurang modom ho, boi do lam denggan nilaim di sikkola, malo olahraga, jala lam malo ma ho lao pasaehon masalah.
Boi lam denggan emosi dohot perasaanmu. Molo hurang modom sasahalak, mura-mura do ibana muruk, lungun rohana, stres, jala jotjot bermasalah tu halak na asing.
Gabe manat tikki mamboan kendaraan. Menurut sada penelitian di Amerika Serikat, molo dibandingkon tu pengemudi na marumur 40 sahat tu 59 taon, na poso na marumur 16 sahat tu 24 taon, “hampir dua hali loppit ma unjotjot mengalami kecelakaan ala mondok-ondok tikki mamboan kendaraan”.
Gabe lam sehat. Asa boi sel dohot pembuluh darah dipadenggan jala berfungsi dohot denggan, dang boi ho hurang modom. Molo dang hurang modom ho, boi do i mangorui resiko obesitas, diabetes, dohot stroke.
Ikkon dicas do HP asa boi torus dipakke. Suang songon i ma, asa godang na boi diulahon hamu, dang boi hamu hurang modom
Aha do na mambahen ho hurang modom?
Nang pe godang remaja na mamboto aha manfaatna molo dang hurang modom, alai toktong do nasida begadang. Contohna si Elaine na marumur 16 taon mandok,
“Disukkun gurukku ma di kelas jam piga do biasana hami modom. Godang do na mandok hira-hira jam 2 pagi. Na asing muse mandok jam 5 pagi. Holan sahalak ma na mandok jam 9.30 borngin.”
Aha do na mambahen ho gabe begadang?
Tikki rap dohot akka donganmu. “Jotjot do au begadang ala lupa tikki, apalagi tikki lao au rap dohot akka donganku.”—Si Pamela.
Alani godang ni karejo. “Lomo hian do rohakku modom. Alai ala godang hian karejokku gabe jotjot do au hurang modom.”—Si Ana.
Alani teknologi. “Gabe hurang modom do au alani HP-ku. Molo nga di podoman au, dang sonang rohakku molo dang huida HP-ku.”—Si Anisa.
Aha do na ikkon huulahon asa unang hurang modom au?
Pikkirhon ma aha manfaatna molo modom. Didok di Bibel, “Dumenggan do sanggolom istirahat sian dua golom halojaon, na dos songon mangalele alogo.” (Parjamita 4:6) Massai penting do modom. Alana molo hurang modom ho, gabe dang semangat ho lao mangulahon ulaonmu. Bahkan tikki rekreasi pe ho, boi do gabe dang semangat ho molo hurang modom!
Pikkirhon ma aha do na mambahen ho hurang modom. Contohna, jotjot do ho rap marmeam dohot donganmu sahat tu tonga borngin? Na pagodangku do PR dohot ulaonmu di jabu? Na lalap do ho mar-HP sappe lupa modom? Manang na targanggu do ho alani soara ni HP?
Pikkirhon ma on: Dung diboto ho aha na mambahen ho hurang modom, ikkon berupaya do ho lao mangatasi i. Alai dang marisuang molo diulahon ho i. Didok di Poda 21:5, “Sai na saut do sakkap ni halak na ringgas.”
Memang dang sarupa sude cara na dibahen ganup halak asa unang hurang modom. Adong na mandok, ikkon modom siang do ibana asa boi ibana modom di bornginna i. Alai adong do na gabe maol modom molo modom siang ibana. Alani i, pikkirhon ma na dia do na cocok tu ho. Akka saran na di toru on boi do mangurupi ho:
Unang ma ulahon akka ulaon na borat. Molo santai ho sebelum modom, gabe boi do ho hatop modom.
“Tumagon do jolo tapasae sude tugasta di jabu dohot akka tugas na asing sebelum borngin. Gabe dang tusi be pikkiranta sebelum modom.”—Si Maria.
Bahen ma jadwalmu. Unang ma paloas situasi na mangatur ho. Alani i, denggan ma atur jadwalmu asa unang sappe hurang modom ho.
“Ikkon ualu jam do au modom ganup borngin. Jadi molo naeng hatop au dungo sian na biasa, ikkon hupahatop ma modom.”—Si Vincent.
Usahahon ma modom dohot dungo di jam na sarupa. Didok akka ahli, ikkon taupayahon do modom dohot dungo di jam na sarupa. Molo tabahen songon i, lam leleng gabe terbiasa ma hita. Coba ma ulahon i di bagasan sabulan, pasti dihilala ho do annon manfaatna.
“Molo modom ho di jam na sarupa ganup borngin, gabe tenang do pikkiranmu tikki dungo ho manogotna i. Jadi aha pe na diulahon ho gabe lam denggan do hasilna.”—Si Jared.
Batasi ma tikki rap dohot akka donganmu. Didok di Bibel, ikkon boi do tarajai diritta, termasuk ma tikki mangulahon ulaon tikki santai.—1 Timoteus 3:2, 11.
“Hubatasi do mambukka media sosial di tikki borngin. Alana molo nga sanga hubukka, biasana gabe leleng ma au asa modom!”—Si Rebecca.
Paloas ma “maradi” HP-mi. Paling otik, sajom sebelum modom, unang ma bukka internet manang makkirim pesan tu akka donganmu. Didok akka ahli, cahaya sian HP, TV, manang tablet boi do mambahen ho gabe maol modom.
“Didok roha ni akka halak, ikkon boi do hita dihubungi di bagasan 24 jam. Alai asa boi ho renges modom, unang be ida HP sebelum modom.”—Si Julissa.