SUKKUN-SUKKUN NI AKKA NA POSO
Boha do molo Diajak Akka Donganku Au Manginum Minuman Beralkohol?
Dang adong didok di Bibel na so boi hita manginum minuman beralkohol. Boi do hita manginum minuman beralkohol asal ma naung cukkup umurta jala unang pagodangku hita minum. Alai takkas do didok di Bibel dang boi hita mabuk-mabuk.—Psalmen 104:15; 1 Korint 6:10.
Alai boha do molo dipaksa hamu asa manginum minuman beralkohol, hape diorai natua-tuamuna do hamu jala secara hukum dang cukkup dope umurmuna?
Pikkirhon ma akibatna
Ra didok roha ni piga-piga donganmu, asa boi marsonang-sonang ikkon manginum minuman beralkohol do. Alai aha do na boi masa dukkon i?
Masalah hukum. Di piga-piga negara, dibahen do peraturan dang boi halak na so cukkup dope umurna manginum minuman beralkohol. Jadi molo diinum hamu i, boi do hamu gabe didenda, dituduh mangulahon na jahat, dicabut SIM-muna, dipaksa ikkon mangulahon layanan masyarakat, manang boi do gabe dipenjarahon.—Rom 13:3.
Gabe sega ma reputasim. Minuman beralkohol boi do mambahen sasahalak dang boi denggan marpikkir jala dang boi mengendalihon tindakanna. Molo mabuk hamu, boi do gabe didok hamu hata na so suman manang gabe mangulahon ulaon na gabe disolsoli hamu di pudian ni ari. (Poda 23:31-33) Saonari, lam maju do media sosial. Alani i, aha na diulahon hamu boi do gabe mambahen dang denggan reputasimuna.
Dang boi melindungi diri. Molo mabuk hamu, gabe mura do hamu diserang secara fisik dohot seksual. Jala boi do gabe mura hamu dipengaruhi halak na asing. Akibatna, boi do gabe diulahon hamu akka ulaon na so suman manang na berbahaya.
Kecanduan. Sada penelitian patuduhon, molo sian na poso dope hamu nga manginum minuman beralkohol, olo do gabe kecanduan hamu sahat tu na dewasa. Asing ni i, molo nga somal sasahalak manginum minuman beralkohol di tikki bosan, tikki stres, manang tikki kesepian, lam leleng gabe maol do ibana pasohon kebiasaanna i.
Boi gabe mate. Molo mamboan kendaraan sasahalak tikki mabuk, boi do gabe kecelakaan ibana jala mate. Taon 2013 di Amerika Serikat, terjadi do kecelakaan setiap 52 menit ala mabuk na mamboan kendaraan. Saleleng taon 2006 sahat tu 2010, setiap taon lobi sian 1.500 halak na marumur di toru ni 21 taon mate ala mabuk tikki mamboan kendaraan. Bahkan, nang pe dang hea ho manginum minuman beralkohol, alai molo adong ho di bagasan mobil na diboan halak na mabuk, tong do berbahaya i tu ho.
Bahen hian ma keputusan
Molo sian sebelumna nungnga dibahen ho keputusan na so jadi manginum minuman beralkohol, boi do ho terhindar sian bahaya manang akibat buruk.
Didok Bibel, “Molo dibereng halak na marbisuk adong jea, martabuni do ibana.” (Poda 22:3) Unang ma manginum minuman beralkohol sebelum mamboan kendaraan manang tikki lao mangulahon ulaon na porlu konsentrasi.
Keputusan: ‘Molo naeng manginum minuman beralkohol au, ikkon jolo cukkup do umurhu jala ikkon cocok situasina.’
Didok Bibel, “Gabe hatoban ni sasahalak do hamu molo dipasahat hamu dirimuna dioloi hamu ibana.” (Rom 6:16) Molo diinum ho minuman beralkohol ala mangihut-ihutton donganmu, gabe dipaloas ho do halak na asing na mangatur ngolum. Molo diinum ho minuman beralkohol lao pamagohon stres manang asa unang bosan, gabe dang boi diboto ho songon dia carana lao mangatasi masalahmi.
Keputusan: ‘Dang olo au molo dipaksa akka donganku asa manginum minuman beralkohol.’
Didok Bibel, “Unang ma mardongan tu halak na pagodangku minum anggur.” (Poda 23:20, surat na di toru) Molo sala ho mamillit dongan, boi do gabe dang hot pendirianmu. Molo mardongan ho tu akka halak na jotjot minum-minum, bahaya do i tu ho.
Keputusan: ‘Dang olo au mardongan akrab tu akka halak na lomo rohana minum-minum.’