SUKKUN-SUKKUN NI AKKA NA POSO
Boasa Ikkon Kompak Au tu Kakak, Adek, Manang Itokku?
“Sahabat na jotjot marbadai”
Sipata kompak do ho tu kakak, adek, manang itom. Alai sipata, olo do hamu marbadai. Sebenarna holong do roham tu nasida, jala nasida pe holong rohana tu ho. Alai sipata, olo do maol dihilala ho mardame dohot nasida. Si Helena na marumur 18 taon mandok, “Adong adekku bawa na jotjot hian mambahen au kesal. Diboto ibana do songon dia carana asa muruk au!”
Adong do piga-piga masalah na terjadi di antara ho, kakak, adek manang itom na boi dipasae molo denggan i dihatai. Misalna:
Ra, olo do dua bawa na marhaha maranggi na rap sakamar marbadai ala terganggu privasi ni nasida. Aha ma solusina? Coba ma mengalah jala argai ma privasi masing-masing. Ihutton ma prinsip ni Bibel di Lukas 6:31.
Olo do ra dua borua na kakak adek “mamakke” baju ni kakak manang adekna alai dang jolo permisi. Aha ma solusina? Denggan ma hatai hamu i jala bahen ma peraturan na masuk akkal. Ihutton ma nasehat ni Bibel di 2 Timoteus 2:24.
Di piga-piga situasi, olo do terjadi masalah na serius di akka na marhaha maranggi. Misalna, parrohahon ma dua contoh na dipaboa di Bibel:
Iri do si Miryam dohot si Aron tu adek ni nasida, i ma si Musa. Jala serius do akibatna. Jaha ma kisahna di 4 Musa 12:1-15. Dung i sukkun ma tu dirimuna, ‘Aha do na ikkon huulahon asa unang iri au tu kakak, adek, manang itokku?’
Muruk hian do si Kain tu adekna si Abel. Alani murukna, dibunu si Kain do adekna i. Jaha ma kisahna di 1 Musa 4:1-12. Dung i sukkun ma tu dirimuna, ‘Songon dia do asa boi hukendalihon emosikku tikki adong masalahku tu kakak, adek, manang itokku?’
Dua alasan asa toktong mardame
Memang dang mura asa boi toktong mardame tu kakak, adek, manang itom. Alai molo berupaya ho mangulahon i pasti denggan do hasilna. Adong dua alasanna:
Patuduhon naung lam dewasa ho. Sahalak remaja na margoar si Alex mandok, “Adong dua adekku borua. Najolo mura hian do au muruk tu nasida. Alai saonari, nungnga lam tenang jala sabar au tu nasida. Boi ma didok, nga lam dewasa au saonari.”
Didok di Bibel, “Marbisuk do halak na so hatop muruk, alai na oto do halak na so sabar.”—Poda 14:29.
Pelatihan tu masa depan. Molo sian saonari dang boi dihadapi ho hahurangan ni adek manang kakakmu, haduan dang boi ho menghadapi hahurangan ni pasangan hidupmu, dongan sakarejo, bos, manang akka halak na berurusan dohot ho.
Na sasittongna: Asa boi denggan masa depanmu, ikkon boi do ho denggan berkomunikasi jala denggan pasaehon masalah. Jala di keluargam ma tempat na terbaik lao mangalatik i.
Didok di Bibel, “Molo boi dope, bahen hamu ma sian nasa tolapmuna lao mardame.”—Rom 12:18.
Tikki adong masalam tu kakak, adek, manang itom, porlu do ho diurupi lao pasaehon i? Jaha ma “Na didok akka donganmu”, jala parsiajari ma lembar kegiatan “Caranya Akur dengan Kakak Adikmu”.