“Boasa Dang Diurupi Debata Au?”

TIKKI MASA HASUSAAN, HEA DO SUKKUN-SUKKUN ROHAMUNA, ‘BOASA DANG DIURUPI DEBATA AU?’ MANANG MOLO ADONG KEJADIAN NA MAMBAHEN HAMU TRAUMA, OLO DO RA GABE SUKKUN-SUKKUN ROHAMUNA ‘PARDULI DO DEBATA TU AU?’

Sarupa do ra pakkilalaanmuna songon si Sheila, na tading di Amerika. Rikkot do manomba Debata di keluarga ni si Sheila. Alai didok ibana, “Sian na gelleng, porsea do au na tutu adong Debata. Alana Ibana do na manoppa sasudena. Alai dang jonok hubunganku tu Ibana. Huboto do na diida Ibana au, alai sian na dao. Menuruthu dang sogo roha ni Debata tu au, alai au pe dang pos rohakku na parduli Ibana tu au.” Aha do na mambahen gabe dang pos roha ni si Sheila na dihaholongi Debata ibana? Didok ibana, “Torus adong sitaonon di keluarganami. Hira na so diurupi Debata do hami.”

Songon si Sheila, porsea do ra hamu tutu do adong Debata Natumimbul. Alai olo do ra sukkun-sukkun rohamuna, diparrohahon Debata do hamu manang na daong. Najolo adong do naposo ni Debata na margoar si Job na hea makkilala songon i. Porsea do ibana adong do Debata na marhuaso jala na marbisuk. (Job 2:3; 9:4) Alai tikki masa godang sitaonon tu ibana, didok ibana ma tu Debata, “Boasa ma dipadao Ho bohim sian au, jala dibahen Ho au songon musum?”—Job 13:24.

Tutu do Debata na mambahen hita susa? Adong do bukti na patuduhon na parduli Debata tu hita sude jala na parduli Debata tu hita ganup marsada-sada? Toho do na diparrohahon Debata hamu, diattusi Ibana perasaanmuna, jala rade Ibana mangurupi hamu? Aha do na didok Bibel taringot on?

Di artikel na mangihut, lao taida ma bukti na patuduhon parduli do Debata tu hita sian carana manoppa hita. (Rom 1:20) Taida ma muse akka bukti na sian Bibel na patuduhon parduli do Debata tu hita. Lam godang na taparsiajari taringot Debata sian Bibel dohot akka toppaanna, gabe lam ‘tatanda ma Ibana’ jala lam pos ma rohatta na ‘diparrohahon do hita’.—1 Johannes 2:3; 1 Petrus 5:7.