27 SI MEPIBOSET
Dang Gabe Muruk Nang pe Dibahen na So Adil tu Ibana
ISE do si Mepiboset? Pahoppu ni si Saul raja ni Israel do ibana. Bapakna, i ma si Jonatan, sahalak bawa na barani jala na setia tu Jahowa. Alai tikki marumur lima taon si Mepiboset, toppu ma muba ngoluna. Tarlukka parah do oppungna di parporangan. Dung i bunu diri ma oppungna i. Bapakna pe, tarbunu do di parporangan i. Adong ma halak na paboahon barita taringot si Saul dohot si Jonatan. Tikki i diabing parorotna do si Mepiboset. Ala tarsonggot parorotna i mambege barita i, gabe madabu ma si Mepiboset. Ujungna, gabe cacat ma patna duassa, jala gabe maol mardalan.
Nang pe susa ngolu ni si Mepiboset, toktong do las rohana. Diargai ibana do akka na adong di ibana. Misalna, dilehon sahalak bawa ni halak Israel na margoar si Mahir do tempat tinggal tu ibana. Di pudian ni ari, diingot Raja Daud do janjina tu sahabatna si Jonatan. Marjanji do si Daud asa toktong manjaga keluarga ni si Jonatan. (1 Sam. 20:14-17) Alani i, disuru si Daud ma asa ro si Mepiboset manjuppangi ibana.
Alai, mabiar do si Mepiboset manjuppangi si Daud. Alana jahat do oppungna si Saul tu si Daud. Olo do ra didok roha ni si Mepiboset naeng pamateon ni si Daud do tong ibana. Alai nang pe songon i, tetap do lao ibana manjuppangi raja. Dung pajuppang nasida, lambok do si Daud makkatai tu ibana. Dipaulak si Daud do sude tano ni si Saul tu ibana. Jala dang holan i, didok si Daud do tu si Mepiboset, “Toktong ma ho rap mangan dohot au di mejakku.” Las hian do roha ni si Mepiboset ala massai burju si Daud tu ibana. Didok roha ni si Mepiboset, dang tama ibana manjalo haburjuon ni si Daud i. Disukkun ibana ma tu si Daud, boasa pola burju hian raja i tu ibana. Hape, halak na lea do ibana. Bahkan, dipatudos ibana do dirina songon biang na mate!
Tikki dakdanak, cacat do si Mepiboset jala mate natua-tuana. Di pudian ni ari, dihianati jala dibahen do na so adil tu ibana
Alai di pudian ni ari, ikkon dihadapi si Mepiboset do masalah na asing. Naeng dibahen si Absalom anak ni si Daud do dirina gabe raja. Naeng dipamate ibana do si Daud, jala godang do halak na berpihak tu ibana. Alani i, ikkon melarikan diri do si Daud sian Jerusalem. Dohot do si Siba pelayan ni si Mepiboset mandongani si Daud. Alai, ditinggalhon si Siba do si Mepiboset di Jerusalem. Nang pe dang dohot si Mepiboset, alai dilului ibana do cara lao patuduhon na setia ibana tu si Daud jala na lungun rohana ala susa si Daud. Aha buktina? Dang dicukkur si Mepiboset kumis dohot janggutna. Songon i do kebiasaan ni akka bawa di tikki i lao patuduhon lungun ni roha. Ujungna, monang ma si Daud mangalo si Absalom. Gabe boi ma ibana mulak tu Jerusalem. Alai kecewa hian do si Daud tu si Mepiboset. Boasa songon i?
Tikki ro si Siba manaruhon sipanganon tu si Daud, difitnah ibana do si Mepiboset. Didok ibana, penghianat do si Mepiboset i. Tetap do ibana di Jerusalem ala naeng dibahen ibana dirina gabe raja. Bayakkon ma songon dia perasaan ni si Daud tikki mambege i. Baru dope ibana dihianati anakna sandiri, i ma si Absalom. Dihianati si Ahitopel do muse ibana. Hape, sahabat dohot penasehat na dihaporseai si Daud do si Ahitopel i. Alani i do ra didok roha ni si Daud, tamba muse halak na menghianati ibana. Jadi dibahen si Daud ma keputusan asa di si Siba sude tano warisan sian Raja Saul naung dilehon tu si Mepiboset.
Tikki dibege si Mepiboset naung difitnah si Siba ibana, lao ma si Mepiboset manjuppangi si Daud lao paboahon na sasittongna. Disukkun si Daud ma tu si Mepiboset boasa dang dohot ibana mandongani si Daud. Didok si Mepiboset do, dang boi ibana dohot ala cacat ibana jala maol mardalan. Asing ni i, ditinggalhon si Siba do ibana. Ra diida si Daud do na so dicukkur si Mepiboset kumis dohot janggutna. On patuduhon na tutu do marsak si Mepiboset, jala dang berupaya ibana mambahen dirina gabe raja tikki na lao i si Daud. Alai tong do jut roha ni si Daud. Dang olo be ibana mambege hata ni si Mepiboset. Dung i, diuba ibana do keputusanna. Didok ibana, ikkon dibagi si Mepiboset do tano warisan sian si Saul tu si Siba.
Gabe muruk do si Mepiboset ala ikkon dibagi ibana warisanna dohot si Siba hape nungnga difitnah ibana? Daong. (5 Mus. 19:18, 19) Nang pe dibahen na so adil tu si Mepiboset, dang gabe muruk ibana manang metmet rohana. Nang pe dang mura, berfokus do si Mepiboset tu akka na uppetting, i ma manalpuhon kesalahan ni na asing jala toktong mardame dohot nasida. On patuduhon halak na barani do si Mepiboset.
Lambok do si Mepiboset mangalusi si Daud. Didok ibana, “Lok ma di si Siba sude tano i. Na penting, di bagasan dame mulak raja i tu istanana.” Massai holong jala parduli do si Mepiboset tu raja na dipillit Jahowa. Nang pe difitnah ibana jala dibuat artana, alai toktong do marlas ni roha si Mepiboset jala setia manomba Jahowa. Nang pe dang hea si Mepiboset marporang, alai dipatudu ibana do habaranion lobi sian na dipatudu akka tentara!
Jaha ma ceritana di:
Na lao dibahas:
Boha do cara ni si Mepiboset patuduhon habaranion?
Bagas ma Parsiajari
1. Tinggal “di jabu ni si Mahir” do si Mepiboset sebelum diboan tu istana ni si Daud. Aha do muse na patuduhon halak na setia jala na murah hati do si Mahir? (2 Sam. 9:3, 4; it “Si Mahir” No. 2-wcgr)
2. Boasa dipatudos si Mepiboset dirina songon “biang na mate”? (2 Sam. 9:8; it “Biang” ¶5-wcgr) A
PhotoStock-Israel/Photodisc via Getty Images
Gambar A: Najolo, dianggap halak Israel do biang binatang na ramun ala mangallang bakke
3. Boasa dang hea tarpikkir si Mepiboset lao mambahen dirina gabe raja manggattihon si Daud? (w02 15/2 14 ¶11, surat na di toru-wcgr) B
Gambar B: Olo do ra dipaboa si Jonatan do tu si Mepiboset ise halak na dipillit Jahowa gabe raja
4. Aha do muse pasu-pasu na dilehon Jahowa tu si Mepiboset dung salpu akka peristiwa na dipaboa di pelajaran on? (it “Si Mepiboset” No. 2 ¶3-wcgr)
Pikkirhon ma Aha Parsiajaranna
Godang do donganta na depresi manang menghadapi tantangan na asing. Sipata, dang boi diattusi akka dongan songon dia pakkilalaan ni nasida. Alai sian contoh ni si Mepiboset, aha do parsiajaran na boi mangapuli roha ni nasida?
Pittor porsea do si Daud tu laporan ni sasahalak taringot si Mepiboset. Gabe dilehon si Daud ma arta ni si Mepiboset tu si Siba. Songon dia do asa unang tabahen kesalahan na sarupa tikki mambahen keputusan? C
Gambar C
Songon dia do caramuna maniru habaranion ni si Mepiboset?
Rimangi ma
Sian kisah on, aha do na boi huparsiajari taringot Jahowa?
Aha do hubungan ni kisah on tu janji ni Jahowa taringot Paradeiso?
Aha do na lao husukkun annon tu si Mepiboset molo nungnga dipahehe ibana?
Ida ma Muse on
Pikkirhon ma songon dia hita maniru si Mepiboset tikki tahilala dibahen na so adil tu hita.
Diupayahon do Mardame Jala Dapotna do Upa—Si Mepiboset (3:25)
Molo adong dakdanak na merasa dang adong na parduli tu ibana, songon dia do natua-tuana boi mamakke kisah ni si Mepiboset lao mangurupi gellengna i?
“Hea do Hamu Merasa Dang Adong na Parduli tu Hamu?” (w11 1/6 26-27-wcgr)