Dipasingot Ibana do Sahalak Raja

DISURU Jahowa do Panurirang Natan lao paboahon janji na luar biasa tu si Daud, na lao ro do Messias sian keluarga ni si Daud. (2 Sam. 7:​4, 12, 13) Alai di pudian ni ari, diulahon si Daud do dosa na balga. Alani i disuru Jahowa ma si Natan lao pasingotton si Daud. Saleleng di pardalanan tu istana ni Raja Daud, olo do ra didok roha ni si Natan, ‘Dang hurippu boi diulahon si Daud dosa na balga. Hape halak na burju do ibana jala takkas do hutanda ibana’.

Aha do huroa dosa na diulahon si Daud? Hea ma tikki botari mardalan-dalan si Daud di loteng ni istanana. Sian i, diida ibana ma sahalak borua maridi jala “massai bagak” do borua i. Si Bat-seba do goar ni borua i. Jala diboto si Daud do molo si Bat-seba i istri ni tentarana na margoar si Uria halak Het. Alai nang pe diboto si Daud i, mangulahon seks do ibana dohot si Bat-seba. Di pudian ni ari, dipaboa si Bat-seba ma tu si Daud na hamil ibana. Berupaya do si Daud manabunihon dosana i. Disuru ibana do si Uria asa mulak sian parporangan tu jabuna jala modom rap dohot istrina. (Bandingkon tu 1 Samuel 21:5.) Alai dang olo si Uria. Didok ibana do, marporang dope tentara ni Israel lao mambela Jahowa. Dang tarbahen ni ibana mulak tu jabuna lao mangan, minum, jala modom dohot istrina. Jadi, dibahen si Daud ma rencana na asing. Didok si Daud ma tu pamimpin ni tentarana asa dibahen si Uria di barisan na parjolo. Tujuanna, asa tarbunu do si Uria di parporangan. Berhasil do rencana ni si Daud i. Dung mate si Uria, dibuat si Daud ma si Bat-seba gabe istrina. Dirippu si Daud dang adong na mamboto dosana i. Alai, diida Jahowa do sude na diulahon ibana.

Bibel mandok, “Massai sogo do roha ni Jahowa tu pambahenan ni si Daud i.” Alani i, disuru Jahowa ma si Natan manjuppangi si Daud lao paboahon na massai balga do dosana i. Saleleng di pardalanan, dipikkirhon si Natan do ra songon dia annon reaksi ni si Daud. Diboto si Natan do na dipamate si Daud do si Uria. Alani i, mabiar do ra si Natan atik na songon i muse bahenon ni si Daud tu ibana molo dipaboa dosana jala dipasingot. Lomo do roha ni si Natan mangurupi si Daud asa diboto ibana na massai balga do dosana i. Jadi, ditangiakkon si Natan ma taringot on. Dung ro ibana manjuppangi si Daud, dipaboa ibana ma sada perumpamaan.

Dipaboa si Natan ma taringot dua bawa di sada kota. Sada na mora, jala sada nai na pogos. Massai godang do biru-biru dohot lombu ni na mora i. Alai molo bawa na pogos i holan sada do biru-biruna. Denggan do dipelihara ibana biru-biru i jala rap tinggal di jabuna. Di sada tikki, ro ma tamu ni na mora i. Jala naeng dilehon do tamuna i mangan. Alai dang biru-biruna na diseat. ‘Anak ni biru-biru ni bawa na pogos i do na dibuat ibana’ jala diloppa lao allangon ni tamuna i. Muruk hian ma si Daud mambege i. Menurut ibana, kejam do pambahenan ni bawa na mora i. Alani i didok ibana do, “Songon pastina Jahowa mangolu, ikkon pamateon do bawa na mambahen songon i!”

Cocok do perumpamaan na dipakke si Natan i. Alana hea do si Daud gabe sahalak parmahan, jala sogo do rohana mangida ketidakadilan. Alani i barani do si Natan mandok tu si Daud, “Ho do bawa i!” Mambege i tarsonggot ma si Daud. Didok si Natan ma tu si Daud na diida Jahowa do sude dosana i. Dung i dipaboa ibana ma hata ni Jahowa: Ala diulahon si Daud dosa na balga, lao masa ma godang hasusaan di keluargana saleleng martaon-taon. Boha do reaksi ni si Daud mambege i?

Didok si Daud ma tu si Natan, “Nungnga mardosa be au tu Jahowa.” Massai lungun do roha ni si Daud jala disolsoli ibana do dosana i. Pasti las hian do roha ni si Natan paboahon tu si Daud na lao dipatudu Jahowa asi ni roha tu ibana. Didok si Natan ma, “Sesaon ni Jahowa do dosami. Alani i, dang pamateonna ho.” Alai, alani dosa ni si Daud dohot si Bat-seba, godang do hasusaan na dihilala nasida. Misalna, mate do anak na ditubuhon si Bat-seba i. Jala saleleng martaon-taon, godang do masalah na terjadi di keluarga ni si Daud.

Nang pe songon i toktong do setia si Daud tu Jahowa. Dibahen ibana do akka ende na paboahon, rade do Jahowa mengampuni halak na bertobat. (Psalmen 32 dohot 51) Ala bertobat si Daud, gabe denggan ma muse hubunganna tu Jahowa. Jala torus do ditangihon si Daud nasehat ni Panurirang Natan. Sahat tu ujung ni ngoluna, setia do si Daud tu Jahowa. (1 Raj. 9:4) Pasti las hian do roha ni si Natan ala barani ibana pasingotton sahalak raja na hea mangulahon dosa na balga.

Jaha ma ceritana di:

• 2 Samuel 11:1–12:18

Na lao dibahas:

Boha do cara ni si Natan patuduhon habaranion?

Bagas ma Parsiajari

1. 1. Sahalak panurat ni Bibel do si Natan, alai dang adong taboto taringot keluargana manang latar belakangna. Sian hatorangan on, halak na songon dia do si Natan i? (w12 15/2 25 ¶2-3-wcgr)

   Alusmuna

2. 2. Halak Het do si Uria. Alai boasa boi ibana gabe tentara ni si Daud? (w24.04 31)

   Alusmuna

3. 3. Dipaboa si Natan do godang hasusaan na lao masa di keluarga ni si Daud. Songon dia do hata ni si Natan i saut? (it “Si Daud” ¶29-wcgr)

   Alusmuna

4. 4. Songon dia do si Natan patuduhon habaranion di ujung ni pamarettaon ni si Daud? (w12 15/2 25 ¶1-wcgr) A

   Alusmuna

   

Pikkirhon ma Aha Parsiajaranna

• Molo adong donganta mangulahon dosa na balga, songon dia do caratta maniru si Natan?

  Alusmuna

• Boha do caratta maniru si Natan asa boi mangalehon nasehat na hona tu roha ni sasahalak? B

  Alusmuna

  

• Songon dia do muse caramuna maniru habaranion na dipatudu si Natan di kisah on?

  Alusmuna

Rimangi ma

• Sian kisah on, aha do na boi huparsiajari taringot Jahowa?

  Alusmuna

• Aha do hubungan ni kisah on tu janji ni Jahowa taringot Paradeiso?

  Alusmuna

• Aha do na lao husukkun annon tu si Natan molo nungnga dipahehe ibana?

  Alusmuna

Ida ma Muse on

Ala diulahon si Daud dosa na balga, aha do akibatna tu ibana? Jala aha do pengaruh ni i tu akka donganna, keluargana, dohot tu Debata Jahowa?

Ingot ma Songon dia Holong i—Ndang Mangkaringkothon Diri Sandiri (1:14)

Boasa massai denggan cara ni si Natan pasingotton si Daud?

“Menerima Teguran dengan Rendah Hati” (“Menggali Isi Alkitab” di jw.org/id)