TIKKI NAEK ARGA NI SITUHORON

Pos ma Rohamuna Adong do Harapan

Umbalga do biaya hidup di negaramuna sian penghasilanmuna? Maol do hamu lao memenuhi kebutuhanmuna dohot kebutuhan ni keluargamuna? Molo songon i situasimuna olo do ra gabe marsak hamu mamikkiri ari sogot. Alai molo pos rohamuna na adong do pakkirimon boi do i mangurupi hamu.

BOASA IKKON POS ROHAMUNA NA ADONG DO HARAPAN

Molo adong harapan manang pakkirimon ni sasahalak, dang gabe holan na so ibana paimahon lam denggan situasina. Gariada pakkirimon i ma na mambahen ibana gabe semangat lao mangulahon nasa gogona padenggatton situasina. Misalna hasil penelitian patuduhon molo pos roha ni sasahalak na adong pakkirimon, gabe . . .

dang mura mandele
mura mambahen penyesuaian
marbisuk ma ibana mambahen keputusan, termasuk lao mambahen asa lam sehat dirina

NA BOI TAULAHON

Na parjolo, lului ma akka poda na adong di Bibel na boi mangurupi hamu saonari. Di Bibel godang do poda na boi mangurupi hita mamboto aha do na boi taulahon tikki naek arga ni situhoron. Boi do akka poda on mangurupi hamu asa unang mandele jala asa rade tikki mangadopi masalah na asing di ari na naeng ro.

“Molo manat ho marpikkir, boi ma i manjaga ho. Molo diboto ho dia na sittong dohot dia na sala, boi ma i manjaga ho.”—Poda 2:11.

Na paduahon, parsiajari ma janji ni Debata taringot ari na naeng ro na adong di Bibel. Dung dihilala hamu godang do manfaatna mangihutton akka poda na adong di Bibel, olo do ra gabe lomo rohamuna naeng mamboto aha do na didok Bibel taringot ari na naeng ro. Misalna gabe diboto hamu ma annon lomo do roha ni Debata asa ‘denggan ngolumuna di ari na naeng ro’. (Jeremia 29:11) Jala gabe diboto hamu ma annon holan Harajaon ni Debata do na boi pasautton i.

AHA DO HARAJAON NI DEBATA I, JALA AHA DO NA LAO DIULAHON HARAJAON I?

Harajaon ni Debata, i ma sada pamarettaon na lao mamaretta saluhut tano on. (Daniel 2:44; Mateus 6:10) Sian surgo do harajaon i mamaretta. Molo nungnga mamaretta harajaon i tu tano on, dang adong be sitaonon dohot hapogoson. Alai na lao tahilala ma dame ni roha dohot las ni roha ala rade do sude na tahaporluhon songon na dipaboa di akka ayat on.

“Marlas ni roha ma ho jala dang hurangan manang aha.”—Psalmen 128:2.

“Dang na lao marisuang halojaon ni nasida.”—Jesaya 65:23.

“Godang ma tubu sipanganon di ladang.”—Psalmen 72:16.

Marjuta do halak na porsea tu akka janji on. Pos do roha ni nasida dang “margabus” Debata. (Titus 1:2) Alani i parsiajari hamu ma Bibel. Molo pos rohamuna tu akka janji na dipaboa di Bibel, boi do gabe margogo hamu tikki adong masalah ekonomi. Jala boi ma pos rohamuna na lao denggan do ngolumuna di ari na naeng ro.