Video Ulaon Pakkobasion ni Jesus—Di Balik Layar

Nga dirilis be video Ulaon Pakkobasion ni Jesus Episode 1. On ma sada video na dipaima-ima sude Saksi Jahowa di taon 2024. Nungnga marjuta halak na manonton video on jala adong 17 episode nai na lao dirilis! Aha ma na diulahon akka dongan tikki mambahen video on, jala boha ma caratta mangurupi nasida?

Paradehon Akka na Porlu

Godangan adegan video Ulaon Pakkobasion ni Jesus on direkam di kantor cabang Australasia.a Lao mangarekam sada adegan video, hira-hira 50 sahat tu 80 halak ma na karejo. Diparade do makan siang, makan malam, dohot makanan ringan tu nasida. Songon on ma na didok si Esther na karejo di Departemen Pelayanan Makanan, “Asa boi dipillit hami bahan makanan na denggan jala dang paargahu, dituhor hami ma bahan makanan sian piga-piga perusahaan. Jala sai disesuaihon hami do godamg ni sipanganon na diloppa hami, asa unang adong na bolong.” Ganup ari, hira-hira 4 dolar AS ma biaya lao tu sipanganon ni sahalak.

Alai dang holan sipanganon na diporluhon akka aktor dohot akka parkarejo na mambahen video i. Diparade asisten produksi do muse akka tenda dohot ruangan na ngali, asa boi nasida marlinggom disi. Alana jotjot do mohop cuaca di Australia jala timbo do radiasi ultraviolet disi. Diparade do muse godang krim tabir surya, payung, dohot aek. Songon on ma na didok si Kevin na karejo di bagian Layanan Audio/Video, “Komuter Betel do na godangan gabe asisten produksi. Serep do roha ni nasida jala sai marlas ni roha do nasida mangulahon tugasna. Dang mungkin sae proyek on molo dang diurupi nasida hami.”

Syuting tu Inganan na Dao

Piga-piga adegan di video i dang boi direkam di studio manang di lokasi syuting na adong di kantor cabang. Alana asa boi mambahen adegan na pas songon na di jaman ni Bibel, unang ma nian adong tiang listrik, dalan naung diaspal, dohot akka jabu saonari. Jadi ikkon lao do nasida tu inganan na dao jala na terpencil. Dipapungu nasida ma abit, perlengkapan, dohot peralatan ni nasida jala diboan ma i tu lokasi syuting. Ikkon denggan do i disippan nasida asa unang sega. Sebelum dimulai nasida syuting i, jolo dipastihon koordinator asisten do adong generator listrik, air minum, dohot toilet. Jala di jabu ni akka dongan na disi do nasida menginap, di mobil trailer, manang di penginapan.

Godang do biaya lao syuting di inganan na songon i, jala godang do habis tikki dohot gogo tusi. Alani i di taon 2023, disetujui Punguan na Mangaradoti ma manuhor video wall na argana 2,5 juta dolar AS. Sada teknologi na jago do video wall, on ma gabungan ni akka layar video na timbo resolusina jala na boi disetel cahayana, asa sarupa songon na di luar ruangan hasilna. Ala adong video wall on, dang porlu be nasida jotjot mambahen syuting tu inganan na dao. Songon on ma na didok si Darren, anggota ni Panitia Cabang Australasia, “Ala adong video wall on, dang palojahu be akka aktor. Jala gabe boi ma hami piga-piga hali mangarekam sada adegan. Misalna naeng mangarekam adegan tikki bonom mataniari. Molo di luar ruangan do syutingna, holan piga-piga menit do tikkinami mangarekam i. Alai molo mamakke video wall on, boi ma piga-piga hali hami mangarekam i sappe denggan dapotnami hasilna.”

“Dang Adong Rugi Au Nanggo Saotik pe”

Marratus do aktor dohot parkarejo na mangurupi mambahen sada episode video Ulaon Pakkobasion. Nang pe songon i, berupaya do Kantor Cabang mangalehon na porlu tu nasida sude. Boha do perasaan ni nasida mamboto i?

Adong sahalak donganta borua na margoar si Amber na dohot mangurupi proyek on. Sian Melbourne do ibana, hira-hira 700 kilometers ma sian lokasi syuting. Didok ibana, “Disi sahat au di bandara, pittor diparade akka dongan na sian Betel do na porlu di au. Godang do anggota ni Betel na mangajak au mangan manang minum teh. Jala nyaman do au dibahen nasida tikki di lokasi syuting, boi do huhilala na dihaholongi nasida au. Sada pasu-pasu do di au dohot tu proyek on. Dang adong rugi au nanggo saotik pe!”

Songon on ma na didok si Derek na karejo di tim produksi, “Sian baru dimulai dope proyek on, nungnga godang departemen na mangurupi hami. Mandok mauliate do au ala olo do akka dongan mangalehon tikki, gogo, dohot sude na adong di nasida. Mura do nasida bekerjasama jala sai rade do nasida mangurupi hami. Pasti dipasu-pasu Jahowa do sude upayanami. Pos do rohakku dang holan hasil ni karejonami na diida Jahowa, alai pasti diida Jahowa do tong sude upaya na dibahen hami.”

Mauliate ma di sude dukungan dohot sumbangan na dilehon hamu lao mambahen video seri on, termasuk ma sumbangan na dilehon hamu marhite donate.jw.org.