“Mura-Mura do Au Muruk”

NGOLUKKU NA UJU I

Au tubu di San Juan Chancalaito, i ma sada kota na gelleng di negara bagian Chiapas, Meksiko. Halak Chol do keluarganami, i ma pinoppar ni suku Maya. Sappulu dua ma hami na marhaha maranggi, jala au anak na palimahon. Tikki gelleng au, marsiajar Bibel do au dohot haha anggikku tu Saksi Jahowa. Alai dang huulahon aha na huparsiajari sian Bibel.

Tikki marumur 13 taon au, marnarkoba do au dohot manakko. Lao ma au sian jabu jala marpinda-pinda. Tikki marumur 16 taon au, karejo ma au di perkebunan mariyuana saleleng sataon. Hea ma di sada borngin, tikki naeng dikkirim hami godang mariyuana mamakke kapal, ro ma akka bawa na marsinjata sian bandar narkoba saingannami. Ditembaki nasida do hami, alai selamat do au. Mangalompat ma au tu sunge jala marlange sahat tu ujung ni sunge i. Dung i, melarikan diri ma au tu Amerika Serikat.

Di Amerika Serikat pe, tetap do menjual-beli narkoba karejokku. Gabe lam godang ma masalah na masa tu au. Tikki marumur 19 taon, ditakkup ma au jala dipenjarahon ala dituduh manakko jala naeng mambunu. Di penjara, bergabung ma au tu sada geng, jala lam godang do hajahaton na huulahon. Akibatna, dipapinda ma au tu penjara na massai ketat penjagaanna, i ma di Lewisburg, Pennsylvania.

Di penjara Lewisburg i, lam jahat do pangalahokku. Tikki di penjara na sebelumna, bergabung do au tu sada geng, jala hubahen do tato patuduhon na dohot au tu geng i. Jadi tikki pinda au tu penjara na baru, pittor bergabung do au tu geng na sarupa. Gabe lam kasar do au jala jotjot marbadai. Sada tikki, marbadai ma gengnami dohot gang na asing di halaman penjara, jala dohot do au disi. Dipakke hami do tongkat baseball dohot barbel gabe alat lao mamukkul, jala ngeri hian ma situasina tikki i. Sappe disemprot akka penjaga penjara do gas air mata tu hami asa unang marbadai be hami. Dung i, dipapinda ma au tu penjara na khusus dibahen tu narapidana na berbahaya. Mura-mura do au muruk. Hatakku pe kasar do. Jotjot do au mamukkuli halak, jala dang merasa bersalah au disi. Gariada, las do rohakku mangulahon i.

SONGON DIA BIBEL MAMBAHEN MUBA NGOLUKKU

Hampir 24 jom do lelengna au di bagasan penjara khusus. Jadi asa unang bosan au, hujaha ma Bibel. Di pudian ni ari, dilehon penjaga penjara do tu au sada bukku na marjudul Saudara Dapat Hidup Kekal dalam Firdaus di Bumi.a Tikki hujaha i, gabe huingot ma akka na hea huparsiajari dohot Saksi Jahowa. Gabe husadari ma, hancur do ngolukku ala massai roa pangalahokku. Gabe huingot ma keluargakku. Nungnga gabe Saksi Jahowa be dua itokku. Gabe didok rohakku ma, ‘Boi do nasida mangolu salelengna. Au pe lomo do rohakku mangolu salelengna.’ Mulai sian i, bertekad ma au asa muba.

Alai huboto do ikkon adong do na mangurupi au. Alani i, martangiang ma au tu Jahowa asa diurupi. Dung i, hubahen ma surat tu kantor cabang ni Saksi Jahowa di Amerika Serikat lao mangido kursus marsiajar Bibel. Dibahen kantor cabang ma pengaturan asa boi au dihubungi huria na unjonok lokasina tu ingananku dipenjara. Tikki i, holan keluargakku do na boi mangunjungi au. Jadi, adong ma sahalak Saksi sian huria i na makkirim sijahaon taringot isi ni Bibel dohot surat na patoguhon au. Gabe lam bertekad do au naeng muba.

Kaluar ma au sian geng na di penjara i. Keputusan na balga do on, alana nungnga martaon-taon au bergabung di geng i. Ketua ni geng i pe dipamasuk do tu penjara khusus. Jadi tikki jam istirahat, hujuppangi ma ibana jala hudok ma naeng gabe Saksi Jahowa nama au. Dang hurippu didok ibana songon on, “Molo memang serius do ho, ulahon ma i. Molo taringot Debata, dang olo au ikut campur. Alai molo alani alasan na asing do ho kaluar sian geng on, diboto ho do kan aha akibatna.”

Saleleng dua taon na parpudi, diida akka petugas penjara do naung muba pangalahokku. Hasilna, gabe lam denggan ma sikap ni nasida tu au. Misalna, dang diborgol be au tikki mamboan au tu kamar mandi. Bahkan adong do sada sian akka petugas i na mandok tu au asa unang menyerah. Di taon na parpudi au di penjara, dipapinda ma au tu sel na asing na so pola ketat penjagaanna, i ma di jonok ni penjara utama. Dung sappulu taon au dipenjarahon, taon 2004 dibebasson ma au jala dideportasi tu Meksiko mamakke bus penjara.

Dang leleng dung sahat au di Meksiko, hulului ma Bale Harajaon ni Saksi Jahowa. Tikki parjolo sahali au ro tu parpunguan i, mamakke seragam penjara do au. Holan i do pakkeanku na tama hupakke tusi. Nang pe songon i, denggan do au disambut disi. Alani haburjuon na dipatudu Saksi Jahowa, gabe pos ma rohakku on do halak Kristen na sittong. (Johannes 13:35) Di parpunguan i, dibahen akka sintua ma pengaturan asa adong na mangurupi au marsiajar Bibel. Sataon dukkon i, tardidi ma au gabe Saksi Jahowa di tanggal 3 September 2005.

Di bulan Januari 2007, gabe parbarita na uli sepenuh waktu do au. Hulehon do tikkikku saleleng 70 jom di bagasan sabulan lao mangurupi akka halak marsiajar Bibel. Di taon 2011, lulus ma au sian Singkola Alkitab tu Saudara Lajang (saonari digoari Sikkola tu Parbarita Harajaon). Sikkola on mangurupi au asa rade mangulahon akka tugas tambahan di huria.

Di taon 2013, menikah ma au tu si Pilar. Massai holong do rohakku tu istrikku. Tikki huceritahon taringot masa laluku tu ibana, sambil margait do ibana mandok na maol do ibana porsea tu ceritakki. Alana nungnga muba au saonari. Pos do rohakku dohot istrikku, boi do Bibel mambahen lam denggan parngoluon ni sasahalak. Au ma buktina.—Rom 12:2.

MANFAAT NA HUDAPOT

Di Lukas 19:10 didok Jesus do, “Ro do [au] lao paluahon jala mangalului akka na mago.” Boi do huhilala na tutu do hata ni Jesus i. Saonari dang hampa be huhilala ngolukku. Dang hubahen be na haccit tu halak na asing. Ala marsiajar Bibel, gabe adong ma tujuan ni ngolukku, boi mardame tu halak na asing, jala na uppetting boi marale-ale tu Debata na manoppa au, i ma Jahowa.