Boha do Carana asa Unang Terjadi Pelecehan Seksual tu Au?

Na didok Bibel

Parrohahon ma piga-piga nasehat na dipaboa di Bibel:

1. Denggan ma pangalahomuna di tempat karejo. Ramah jala sopan ma hamu tu dongan sakarejomuna. Alai unang ma terlalu ramah, asa unang dirippu nasida na lomo rohamuna dirayu.—Mateus 10:16; Kolosse 4:6.

2. Pakke ma pakkean na sopan. Molo dang sopan pakkeanmuna, olo do gabe sala pandangan ni halak taringot hamu. Dijujui Bibel do asa tapakke pakkean na tama “mardongan toruk ni roha dohot bisuk”.—1 Timoteus 2:9.

3. Manat ma mamillit dongan. Molo mardongan hamu tu halak na lomo rohana dirayu, olo do gabe dirippu halak na lomo do tong rohamuna molo dibahen songon i tu hamu.—Poda 13:20.

4. Unang ma dohot hamu makkatahon hata na so suman. Lao ma hamu molo adong na makkatahon ‘akka hata na so marguna, akka gait-gait taringot tu na so hasea, dohot na pattang dohonon’.—Epesus 5:4.

5. Hindari ma situasi na mambahen hamu gabe digoda. Molo dang adong tujuan na jelas, unang ma olo hamu diajak donganmuna asa tetap di kantor hape nungnga sae jam kerja.—Poda 22:3.

6. Tegas ma jala terus terang. Molo adong na mambahen pelecehan seksual tu hamu, tegas ma dok tu ibana na so lomo rohamuna tu pambahenanna i. (1 Korint 14:9) Contohna boi do didokkon hamu songon on, “Unang dijama-jama ho au. Dang lomo rohakku dibahen songon i.” Boi do tong dibahen hamu surat tu ibana lao paboahon pelecehan seksual do na dibahenna i, paboa ma songon dia perasaanmuna, jala aha keinginanmuna. Jala paboa ma tu ibana, alani haporseaonmuna do umbahen na songon i pendirianmuna.—1 Tessalonik 4:3-5.

7. Pangido ma bantuan. Molo torus dibahen pelecehan seksual tu hamu, paboa ma i tu sahabat, keluarga, manang tu dongan sakarejomuna na hea mangurupi korban pelecehan. (Poda 27:9) Godang do korban pelecehan na tarapul rohana ala martangiang. Nang pe dang hea dope hamu martangiang, pos ma rohamuna pasti diurupi Jahowa “Debata Sipangapul na sumurung” do hamu.—2 Korint 1:3.

Pelecehan seksual mambahen marjuta halak merasa dang aman di tempat karejona, alai boi do Bibel mangurupi nasida.