Aha do na Didok Bibel Taringot Homoseks?

Na didok Bibel

Lomo do roha ni Jahowa asa holan bawa dohot borua naung menikah na mangulahon seks. (1 Musa 1:27, 28; 3 Musa 18:22; Poda 5:18, 19) Diorai do di Bibel mangulahon seks halak na so pasangan suami istri, dang soal sesama jenis manang lawan jenis. (1 Korint 6:18) On termasuk mangulahon seks secara langsung, manjama alat kelamin ni halak na asing, seks oral (merangsang alat kelamin ni sasahalak mamakke dila manang baba), manang seks anal (mangulahon seks sian dubur).

Nang pe diorai di Bibel mangulahon homoseks, alai dang boi gabe sogo rohatta tu akka halak na mangulahon homoseks, manang gabe homofobia hita (pabiarhu tu halak na mangulahon homoseks). Gariada, dijujui do halak Kristen asa ‘pasangappon sude jolma’.—1 Petrus 2:17.

Tutu do adong sasahalak na nungnga gabe homo sian mulai tubu?

Memang dang dipaboa di Bibel aha na masa tu pamatang ni sasahalak na mambahen ibana gabe homo. Alai didok do di Bibel sian mulai tubu hita, nungnga adong keinginan na sala di diritta. (Rom 7:21-25) Nang pe dang dipaboa di Bibel aha na mambahen sasahalak gabe homo, alai diorai do hita mangulahon homoseks.

Songon dia do caratta pasonakkon Debata nang pe adong sakkap marlomo ni roha tu sesama jenis?

Bibel mandok, “Pamate hamu ma akka pangalaho ni portibi on sian dirimuna, i ma seks na so patut.” (Kolosse 3:5) Porlu do dikendalihon hamu pikkiranmuna asa unang sanga mamikkirhon akka na sala jala ujungna diulahon hamu i. Molo akka na denggan do na sai dipikkiri hamu, gabe boi ma hamu mangalo keinginan na sala. (Pilippi 4:8; Jakobus 1:14, 15) Memang di mulana maol do i, alai lam leleng gabe lam mura do mangulahon i. Marjanji do Debata lao urupanna hamu ‘paimbaruhon roha dohot pikkiranmuna’.—Epesus 4:22-24.

Halak na marlomo ni roha tu lawan jenis pe, toktong do berjuang mangihutton standar ni Bibel. Contohna, halak na so menikah dope, manang halak naung menikah na pasanganna dang boi mangulahon hubungan seks. Alai ala dikendalihon nasida do keinginan ni nasida, nang pe godang tantangan, gabe boi do dihilala nasida las ni roha. Songon i ma tong halak na marlomo ni roha tu sesama jenis. Boi do nasida marlas ni roha molo berupaya mangulahon lomo ni roha ni Jahowa.—5 Musa 30:19.