Akka Ise do na Tarsurat di “Bukku Hangoluan”?

Na didok Bibel

“Bukku hangoluan” marisi goar ni akka halak na lao mandapot hangoluan saleleng ni lelengna. (Pangungkapon 3:5; 20:12; Maleaki 3:16) Debata mambahen goar ni nasida disi ala nasida mangoloi jala setia tu Ibana.—Johannes 3:16; 1 Johannes 5:3.

Diingot Debata do akka naposona na setia “sian mulai adong portibi on”, tarsongon na disurat Debata ma goar ni nasida di sada bukku. (Pangungkapon 17:8) Goar ni si Abel ma na parjolo disurat di bukku ni hangoluan. (Heber 11:4) Bukku i dang holan manurat akka goar, alai patuduhon molo ditanda Jahowa do “akka na di Ibana” jala holong do rohana tu nasida.—2 Timoteus 2:19; 1 Johannes 4:8.

Boi do goar ni sasahalak disesa sian “bukku hangoluan”?

Boi, Debata mandok tu akka halak na so unduk di jaman ni halak Israel najolo, “Manang ise na mardosa tu Au, goarna do sesaokku sian bukkuki.” (2 Musa 32:33) Alai molo setia hita, toktong do goarta tarsurat di “bukku hangoluan”.—Pangungkapon 20:12.