Boi do Bibel Mangurupi Keluargakku asa Marlas ni Roha?

Na didok Bibel

Boi, taida ma piga-piga nasehat sian Bibel na boi mangurupi marjuta halak asa marlas ni roha keluargana:

1. Daftarhon ma perkawinanmuna secara hukum. Marhite mangulahon i, gabe marjanji ma hamu asa rap salelengna dohot pasanganmuna. On ma gabe dasar mambahen keluarga na marlas ni roha.—Mateus 19:4-6.

2. Haholongi jala argai ma pasanganmuna. Sada carana, bahen ma na denggan tu pasanganmuna songon na diharappon hamu lao bahenonna tu hamu.—Mateus 7:12; Epesus 5:25, 33.

3. Unang ma kasar makkatai. Toktong ma lambok jala tenang hamu makkatai, bahkan tikki pasanganmuna mambahen haccit rohamuna. (Epesus 4:31, 32) Songon na didok Bibel di Poda 15:1, “Hata na lambok padaohon rimas, alai mambahen muruk do hata na kasar.”

4. Setia ma tu pasanganmuna. Holan tu pasanganmuna do boi dipatudu hamu perasaan romantis dohot sakkap lao mangulahon hubungan seks. (Mateus 5:28) Bibel mandok, “Ikkon sangap do pardongan saripeon dibahen sude halak. Ikkon setia do sahalak suami dohot sahalak istri tu janji ni nasida.”—Heber 13:4.

5. Latik ma ianakkonmuna di bagasan holong. Unang pasombu ianakkonmu mambahen lomo-lomona alai unang ma tong gabe pakejamhu.—Poda 29:15; Kolosse 3:21.