Molo Martangiang Au tu Debata, Olo do Ibana Mangurupi Au?

Na Didok Bibel

Olo. Diurupi Debata do akka halak na martangiang sian ias ni rohana tu Ibana, jala na mangido sesuai tu lomo ni roha ni Debata. Molo dang hea dope hamu martangiang, parrohahon ma contoh taringot akka halak na disurat di Bibel na martangiang tu Debata asa diurupi:

• “Ale Jahowa Debatakku, urupi ma au. Palua ma au alani holong na pinatudum.”—Psalmen 109:26.

• ”Ale Debata, hatop ma Ho ro mangurupi au, ai na dangol jala na pogos do au. . . .Ho do na mangurupi jala na paluahon au.”—Psalmen 70:5.

Akka halak na manurat ayat i, i ma akka halak na togu haporseaonna tu Debata. Alai, lomo do tong roha ni Debata manangihon sude halak na martangiang tu Ibana sian ias ni roha, misalna halak “na mandele” dohot “na hancur rohana”.—Psalmen 34:18.

Ra didok rohamuna dao hian do Debata i, dang mungkin parduli Ibana tu akka masalah na tahadapi. Alai Bibel mandok, “Nang pe sangap Jahowa, diparrohahon Ibana do halak na serep marroha.” (Psalmen 138:6) Gariada, didok Jesus do tu akka siseanna, “Gari obuk na di ulumuna pe nungnga dibilangi sude.” (Mateus 10:30) Molo hita dang takkas tatanda diritta, alai molo Debata takkas do diboto Ibana sude taringot hita. Jadi, pos ma rohamuna tikki martangiang hamu tu Debata paboahon arsak ni rohamuna, olo do Ibana manangihon jala mangurupi hamu!—1 Petrus 5:7.