Debata Pargogo na So Hatudosan do Jesus?

Na didok Bibel

Hea do didok halak Jahudi na marsogo ni roha tu Jesus, na disarupahon Jesus do dirina tu Debata. (Johannes 5:18; 10:30-33) Alai dang hea didok Jesus na sarupa ibana tu Debata Pargogo na So Hatudosan. Alana didok Jesus do, “Umbalga do Damang i sian au.”—Johannes 14:28.

Akka apostelna pe dang hea mandok Jesus i Pargogo na So Hatudosan. Misalna, songon on ma na didok Apostel Paulus taringot Jesus naung dipahehe ‘dilehon Debata do tu ibana inganan na untimbo’. Sian on takkas ma taboto porsea do si Paulus dang Debata Pargogo na So Hatudosan Jesus i. Molo Jesus do Debata Pargogo na So Hatudosan i, boasa ma didok dilehon Debata tu ibana inganan na untimbo?—Pilippi 2:9.