Porsea do Akka Pakar Molo Jesus i Hea Mangolu di Tano On?

Porsea do akka pakar molo Jesus hea mangolu di tano on. Disurat akka sejarawan sian abad na parjolo dohot na paduahon do catatan taringot Jesus dohot akka halak Kristen di abad na parjolo. Taringot catatan i, bukku Encyclopædia Britannica, Edisi 2002 mandok, “Akka catatan i paboahon, molo di jaman najolo pe bahkan akka halak na so lomo rohana tu ajaran Kristen porsea do molo Jesus i hea mangolu di tano on. Dung pe di abad 18, abad 19, dohot di awal ni abad 20 mulai diperdebatton akka halak taringot Jesus. I pe dang adong dasar ni nasida na jelas.”

Di taon 2006, bukku Jesus and Archaeology mandok, “Di jamanta saonari pe, godang do akka pakar na boi dihaporseai dang ragu molo Jesus anak ni si Josep halak Jahudi i, hea do mangolu di tano on. Gariada godangan sian nasida porsea, molo saonari massai godang do hatorangan na boi taboto taringot ulaon dohot akka ajaran na dipasahat Jesus.”

Hatorangan na sian Bibel pe patuduhon, molo Jesus i hea mangolu di tano on. Dipaboa do di Bibel silsilah ni Jesus dohot goar ni akka keluargana. (Mateus 1:1; 13:55) Jala dipaboa do muse goar ni akka pamimpin na sajaman dohot Jesus. (Lukas 3:1, 2) Akka hatorangan i mambahen akka pakar gabe lam porsea tu akka kisah na dipaboa di Bibel.