Boasa Dang Berpartisipasi Saksi Jahowa di Akka Upacara Bendera?

Diargai Saksi Jahowa do pamaretta dohot akka lambang negara. Jala dang diorai hami halak mandok sumpa tu negara, salut tu bendera,a manang mangendehon lagu kebangsaan.

Alai, dang olo hami berpartisipasi tu kegiatan di upacara bendera. Alana maralo do i tu ajaran ni Bibel.b Diargai hami do haporseaon ni halak na asing. Jadi las do rohanami molo diargai halak haporseaonnami.

Di artikel on lao tabahas ma

• Prinsip ni Bibel na dia do na diihutton hami?

• Boha ma molo adong hukum na mandok ikkon berpartisipasi do sude halak?

• Na berpihak do Saksi Jahowa tu sada organisasi sosial manang politik?

Prinsip ni Bibel na dia do na diihutton hami?

Adong dua prinsip Bibel na diihutton hami:

• Holan Debata do na ikkon tasomba. Bibel mandok, “Jahowa Debatam do na ikkon sombaonmu jala ikkon holan tu Ibana do lehononmu ngolum.” (Lukas 4:8) Biasana di akka sumpa tu negara dohot lagu kebangsaan, adong do hata na patuduhon ikkon umholong do hita tu negara sian tu manang aha pe. Jadi terganggu do hati nurani ni Saksi Jahowa molo berpartisipasi tu akka kegiatan i.

  Porsea do Saksi Jahowa molo salut tu bendera sarupa do i songon manomba patung, jala diorai Bibel do i. (1 Korint 10:14) Piga-piga sejarawan mandok sarupa songon simbol keagamaan do sebenarna bendera i. Songon on ma na disurat sejarawan Carlton J. H. Hayes, “Dos songon agama do semangat nasionalisme i, jala bendera ma na gabe tanda ni agama i manang na gabe sisombaonna.”c Songon on ma na didok sahalak panurat na margoar Daniel P. Mannix, taringot halak kristen di abad na parjolo: “Dang olo halak Kristen . . . mangalehon pelean tu tondi na manjaga Kesar ni Rom. Molo saonari sarupa ma i songon na so olo salut tu bendera.”d

  Nang pe dang olo Saksi Jahowa salut tu bendera, alai dang olo hami mangaribak, manutung, manang mangulahon manang aha pe na patuduhon dang diargai hami bendera dohot akka simbol negara.

• Sarupa do sude jolma di jolo ni Debata. (Ulaon ni Apostel 10:34, 35) Bibel mandok, “Sian sada jolma do dibahen [Debata] sude bangso.” (Ulaon ni Apostel 17:26) Alani i, dang olo saksi Jahowa mambahen gabe ussangap sada bangso manang negara dibandingkon negara na asing. Diargai hami do sude halak dang soal sian dia hutana jala didia tempat tinggalna.—1 Petrus 2:17.

Boha ma molo adong hukum na mandok ikkon berpartisipasi do sude halak?

Dang olo Saksi Jahowa mangalo pamaretta. Alana bagian sian “aturan ni Debata do i” jala diloas Debata dope i mamaretta. (Rom 13:1-7) Alani i ikkon unduk do halak Kristen tu pamaretta.—Lukas 20:25.

Boha molo maralo hukum na sian pamaretta tu hata ni Debata? Di piga-piga negara, boi do hita tu pengadilan lao mangido asa olo pamaretta mambahen penyesuaian tu hukum na dibahen nasida.e Alai molo dang olo pamaretta mambahen penyesuaian, “urrikkot do di hami mangoloi [Debata] sian jolma.”—Ulaon ni Apostel 5:29.

Na berpihak do Saksi Jahowa tu sada organisasi sosial manang politik?

Daong. Dang terlibat Saksi Jahowa tu masalah sosial manang politik. Dang alani berpihak hami tu sada organisasi politik umbahen na so olo hami mandok sumpa tu negara, salut tu bendera, manang mangendehon lagu kebangsaan. Alai, alana mangihutton hata ni Debata na tarsurat di Bibel do.