Boi do Penjaga Perdamaian Mambahen Aman jala Dame Portibi on?

Lam jotjot do masa porang dohot konflik bersenjata di liat portibi on. Alani i berupaya do Perserikatan Bangsa-Bangsa dohot organisasi na asing mangurupi akka daerah na marporang. Dikirim nasida ma piga-piga halak na gabe tim penjaga perdamaian asa boi dame muse keadaan di daerah i. Songon on ma didok si António Guterres, Sekretaris-Jenderal PBB taringot i, “Penting hian do tugas ni tim penjaga perdamaian PBB on, asa boi aman jala dame portibi on.”

Saleleng on, nungnga marhasil tim penjaga perdamaian mangurupi piga-piga daerah na marporang. Misalna, dijaga nasida do akka rakyat na so dohot marporang, mangurupi akka pengungsi asa boi mulak tu negarana, mangalehon bantuan kemanusiaan, jala padenggatton akka dalan dohot bangunan na sega. Alai dang sai marhasil upaya na dibahen tim penjaga perdamaian on, alana godang do tantangan na diadopi nasida. Molo songon i, adong do cara na boi mambahen dame portibi on saleleng ni lelengna? Aha do na didok Bibel taringot i?

Akka tantangan dohot jalan keluar na sian Bibel

Tantanganna: maol bekerjasama. Sian marragam negara do organisasi militer dohot non-militer na gabe anggota ni tim penjaga perdamaian. Alani i olo do nasida sala paham jala dang sai boi nasida denggan bekerjasama.

Jalan keluarna: “Pajongjongon ni Debata na di surgo i ma sada harajaon . . . jala diropukkon harajaon i do sude harajaon [pamarettaon ni jolma], jala hot do harajaon i saleleng ni lelengna.”—Daniel 2:44.

Tantanganna: terbatas sumber daya dohot kemampuanna. Tikki mangulahon tugasna, olo do holan saotik anggota, hepeng, dohot kebutuhan ni nasida. Jala ikkon boi do nasida mangulahon tugasna di daerah na berbahaya jala na godang masalahna.

Jalan keluarna: “Debata ni Tuanta Jesus Kristus . . . mambahen [Jesus] di siamunna di banua ginjang. Untimbo do ibana sian sude pamaretta, parhuaso, akka pamimpin.”—Epesus 1:17, 20, 21.

Nungnga dilehon Debata Jahowaa sude na dihaporluhon Jesus asa boi denggan ibana mamaretta gabe Raja ni Harajaon ni Debata. (Daniel 7:13, 14b) Nungnga dilehon Jahowa tu Jesus godang huaso, parbinotoan, dohot bisuk. Alani i dao do unjago Jesus sian pamarettaon manang organisasi na dia pe. (Jesaya 11:2) Jala akka suru-suruan na massai gogo do tentara ni Jesus. (Pangungkapon 19:14) Jadi dang adong situasi manang keadaan na so boi dikendalihon Jesus.

Tantanganna: aturan na membatasi. Alani aturan na membatasi manang paretta na so takkas, olo do gabe maol anggota penjaga perdamaian mangulahon tugasna. Jala boi do aturan manang paretta i mambahen gabe dang boi nasida melindungi halak na asing manang pasaehon tugasna.

Jalan keluarna: “Nungnga dipasahat tu [Jesus] saluhut huaso na di banua ginjang dohot na di tano on.”—Mateus 28:18.

Takkas do paretta na dilehon Debata tu Jesus lao mambahen dame portibi on. Jala nungnga dilehon Debata tu Jesus huaso lao mangulahon i. (Johannes 5:22) Pasti adil jala jujur do Jesus bertindak. (Jesaya 11:3-5) Alani i ma didok Bibel do Jesus i “Pamimpin ni Hadameon”. Jala na lao mamaretta do ibana di bagasan “hatigoran dohot hasittongan”.—Jesaya 9:6, 7.

Holan Harajaon ni Debata do na boi parohon hadameon salelengna

Sipata boi do memang penjaga perdamaian mambahen aman jala pasohon porang di sada daerah. Alai dang boi nasida mambolokkon boccir ni sude parbadaan, i ma sogo ni roha na adong di bagasan roha ni jolma.

“Dang boi tajaga perdamaian ala dang adong be hadamaeon saonari on.”—Dennis Jett, mantan duta besar AS.

Alai boi do Harajaon ni Debata mambahen dame situtu portibi on. Alana boi do Harajaon i mangurupi akka halak mambolokkon sogo ni roha ni nasida. Misalna tikki di tano on Jesus, dilehon ibana do sitiruon jala diajari ibana do akka siseanna asa toktong mardame jala patuduhon holong tu akka halak:

Didok Jesus do muse ikkon marsihaholongan do akka halak na lao gabe rakyat ni Harajaon ni Debata. Takkas do dipaboa di Bibel dang boi halak na marsogo ni roha tu halak na asing gabe rakyat ni Harajaon ni Debata:

Debata Jahowa do na manoppa sude jolma. Jadi holan Ibana do na mamboto boha carana asa dame portibi on. Lao pakkeonna ma Harajaonna pasautton i sude.