Boasa Godang Halak na So Sopan Saonari on?—Aha do na Didok Bibel Taringot i?

Nungnga maol be tajuppangi halak na sopan di tikkitta saonari. Jotjot do tajuppangi akka pasien na kasar tikki makkatai tu dokter, akka halak na ro tu rumah makan dang sopan makkatai tu pelayan, akka penumpang pesawat dang olo diatur akka pramugari, akka parsikkola mangaleai, mengancam jala menyerang akka guru, akka pemimpin politik sopan do idaon, alai sebenarna piga-piga sian nasida terlibat do tu akka kasus pelanggaran moral.

Boi do dapotta hatorangan na boi dihaporseai sian Bibel. Dipatorang do di Bibel boasa maol tajuppangi halak na sopan di tikkita saonari on.

Boasa godang halak na so sopan saonari on?

Di liat portibi on, nungnga sada hal na umum tingkah laku na so sopan jala na so bermoral.

• Menurut survey na dibahen perusahaan na margoar Gallup, di tikki saonari on ma nilai kesopanan ni halak Amerika na paling parah dibandikkon tu saleleng 22 taon naung salpu.

• Menurut survey na asing na dibahen tu 32.000 halak di 28 negara, 65% sian nasida mandok, di tikki saonari on ma nilai kesopanan na paling parah na hea masa.

Nungnga disurirangkon di Bibel aha na masa saonari on.

• “Alai boto hamu ma on, na ro ma tikki hasusaan di ari parpudi. Ai makkaholongi dirina sandiri ma jolma, holongan di hepeng, marhata manggang, ginjang rohana, mangaleai, dang mangoloi natorasna, dang diboto mandok mauliate, . . . dang marroha holong, parmuruk-muruk . . . ”—2 Timoteus 3:1-3.

Lao mamboto gumodang informasi taringot songon dia surirang ni Bibel on masa di tikkitta saonari, jaha ma artikel “Naung Dipaboa Hian do di Bibel Pangalaho ni Halak di Tikkitta Saonari?”

Nasehat na boi mangurupi hita lao patuduhon tingkah laku na denggan

Nang pe lam parah nilai kesopanan ni akka jolma, alai marjuta halak nungnga mandapot nasehat taringot tingkah laku na denggan, jala sumberna sian Bibel. Alana nasehat na sian Bibel on “martahan do i saleleng ni lelengna.” (Psalmen 111:8) On ma piga-piga contohna:

• Aha na didok di Bibel: “Sude na dihalomohon rohamuna bahenon ni halak tu hamu, ikkon songon i do bahenonmuna tu nasida.”—Mateus 7:12.

  Lapatanna: Lomo do rohatta molo denggan jala burju halak na asing tu hita, alani i hita pe burju ma tu na asing jala denggan ma tabahen tu nasida.

• Aha na didok di Bibel: “Ala dang olo be hamu margabus, ganup ma halak makkatahon na sittong tu donganna.”—Epesus 4:25.

  Lapatanna: Ikkon jujur ma hita di pakkataion dohot parniulaonta.

Lao mamboto gumodang informasi, jaha ma:

• Majalah Joujou Paboahon “Cara Manottuhon—Na Sittong Dohot na Sala.”

• Artikel “Aha do Artina Toleransi?”