Jala

Akka sijala dekke do piga-piga sisean ni Jesus. (Mrk. 1:​16-20) Biasana, dipakke nasida do jala lao manakkup dekke di Laut Galilea.

Jala i dibahen sian tali manang bonang linen na dibentuk gabe jaring. Ukkuran ni jaringna dibahen bergantung tu balga ni dekke na naeng ditakkup. Molo dekke na gelleng do na naeng ditakkup, gelleng-gelleng ma dibahen lubang ni jaringna. Adong dua jenis ni jala. Na parjolo, jala na disappatton. Dibahen do batu di ganup ujung ni jala on. Alani i tikki disappatton, bonom ma i jala boi manakkup dekke. Na paduahon, jala na ditarik. Molo jala sisongon on dibahen do batu di toruna dohot pelampung na sian hau manang gabus di ginjangna. Dipamasuk ma i tu aek jala ditarik ma i lao manakkup dekke.

Arga do jala i. Alani i, ikkon denggan do i dirawat dung dipakke. Misalna, hea do dipaboa si Lukas taringot akka sisean ni Jesus na “manussi jala”. (Luk. 5:2) Dipaias nasida ma jala i asa unang margambo jala digattung ma i asa koring. (Hes. 47:10) Asing ni i, boi do sega jala i molo hona batu tikki di dasar ni laut. Boi do tong maribak i molo pagodangku dekke na ditakkup. (Luk. 5:6) Alani i ma didok di Bibel, hea do si Jakobus dohot si Johannes “padenggatton jala”. Ra dipakke nasida do jarum dohot bonang linen padenggatton i.—Mat. 4:21.

Ditogihon Jesus do siseanna naung somal mamakke jala asa gabe “sijala jolma”.—Mrk. 1:17.