Si Menahem—Tautamahon ma Ulaon Manomba Jahowa di Ngolutta

Si Menahem, i ma sada sian akka bawa na manguluhon huria Antiokia di abad na parjolo. “Dongan sasikkola ni Raja Herodes” do ibana. (Ul. 13:1) Jadi parsikkola na timbo do si Menahem, jala sian keluarga na mamora do ra ibana.

Godang do ditanda ibana akka halak na sangap. Alai dang dibahen ibana i dohot sikkolana i lao pasangappon dirina sandiri. Gariada, dipillit ibana do gabe halak Kristen jala mangurupi akka dongan di huria.

Sian si Menahem dipaingot do hita, mangulahon lomo ni roha ni Jahowa do na uppetting di hita sian apala sude na adong di portibi on. Jala ikkon tautamahon do ulaon manomba Jahowa di ngolutta. (Mat. 6:33) Memang penting do sikkola. Alai ikkon ‘taboto do dia na urrikkot’, asa unang sappe tatinggalhon ulaon manomba Jahowa.—Plp. 1:​9, 10.