Nungnga Dilatik Jahowa Au Mulai sian Tikki Poso Dope Au

Alai, annon ma muse huceritahon taringot i. Saonari, huceritahon ma jo songon dia keluarganami mandapot hasittongan. Tubu di kota Calgary do au, di Kanada. Tikki i, masa dope Perang Dunia II. Di ujung ni taon 1940, adong ma sahalak perintis na margoar si Donald Fraser na ro tu jabunami. Poso dope ibana. Mulana, omak do na marsiajar Bibel. Lomo hian do rohana tu parsiajaranna i. Alai ala parah sahit ni omak, dang boi ibana jotjot ro tu parpunguan. Nang pe songon i, tardidi do omak di taon 1950. Alai dua taon dukkon i, mate ma omak. Di tikki i, dang Saksi Jahowa dope bapak. Alai, diloas ibana do Saksi Jahowa na mangatur acara pemakaman ni omak.

Piga-piga ari dung acara pemakaman i, adong ma donganta borua naung matua na margoar si Alice manogihon au asa ro marpungu. Na miniahan do ibana. Nga ditanda ibana au, ala jotjot do au rap marpungu dohot omak. Alai, jolo husukkun ma tu bapak boi do au dohot manang na dang. Didokkon bapak ma boi, jala “sahali on” naeng dohot do tong ibana. Naeng mandok mauliate do ibana tu donganta na marjamita di acara pemakaman i. Di borngin i, acara parpunguannami, i ma Sikkola Pakkobasion Teokratis dohot Perhimpunan Dinas. Las hian do roha ni bapak ro tu parpunguan i. Alana, hea do ibana kursus asa lam malo makkatai di jolo ni na torop (public speaking). Alani i, kagum do ibana mangida songon dia akka donganta pasahatton akka bagian di acara i. Mulai sian i, ro do ibana tu parpunguan i ganup minggu. Jala ujungna, ro do ibana tu sude acara parpunguanta.

Biasana, jolo dijahahon donganta na mengawasi Sikkola Pakkobasion Teokratis do goar ni akka dongan na gabe siswa. Dung i, dialusi nasida ma, “Hadir!” Di sada tikki, hupangido ma tu ibana asa dijahahon goarhu di parpunguan tu minggu na ro. Dipuji donganta i do au. Alai dang dipaboa aha tujuanna dijahahon ibana akka goar i.

Hape molo dijou goarta di parpunguan i, berarti na mandaftar do hita tu sikkola i. Jadi di minggu depanna i, dijou ma goarhu, jala hudokkon ma “Hadir!” Dung sae parpunguan, ro ma akka dongan manjuppangi au jala dipuji ma au. Piga-piga minggu dukkon i, dilehon ma tugas na hupaboa nakkin.

Agah! Tarsonggot ma au. Najolo, dang adong dope tugas lao manjaha Bibel. Alani i, dipangido do tu akka siswa lao paradehon jamita na dipasahat saleleng onom sahat tu ualu menit. Diurupi bapak ma au paradehon jamitakki, jala dipangido ma asa marlatik au sappe 20 hali. Dung hupasahat jamitakki, dilehon pengawas ni parpunguan i ma nasehat tu au. Pas hian do nasehatna i. Saleleng martaon-taon, dilatik Jahowa do au marhite bapakku, akka dongan na berpengalaman, dohot organisasina.

TORUS DO DILATIK JAHOWA AU

Donganta si Alice na hupaboa nakkin, dohot do mangalatik au di ulaon marbarita. Di tikki i, dijujui do hita asa manjahahon tolu ayat tu parjabu, dukkon i tatawarhon ma sada bukku. Jadi tikki giliranku na makkatai, dipatandahon donganta si Alice ma dirina tu parjabu. Dimulai ibana ma pakkataion, jala dipangido ma asa hujahahon ayat na parjolo. Dukkon i, au ma na manguduti pakkataion i. Dung i, hujahahon ma ayat na paduahon dohot na patoluhon, jala hutawarhon ma publikasi tu parjabu i. Alai lam leleng, gabe boi do au mamulai pakkataion di ulaon marbarita. Dung tardidi bapak di ujung ni taon 1954, dohot do tong ibana mangalatik au di ulaon marbarita. Berupaya do bapak mangurupi au asa toktong holong rohakku tu Jahowa. Massai penting do parpunguan dohot ulaon marbarita di bapak. Alani i, torus do ro hami marpungu jala marbarita di ari Sabtu dohot ari Minggu.

Murid na biasa-biasa do au di sikkola, dang pola malo. Alai, akka naung huparsiajari saleleng 12 taon i bermanfaat do di au. Misalna, lomo do rohakku tu pelajaran matematika dohot tata bahasa di bahasa Inggris. Jala hea do tong au kursus bahasa Inggris dohot kelas menulis. Akka ilmu i bermanfaat hian do di au, jala mangurupi au mangulahon tugashu saonari di Departemen Penulisan.

Jotjot do halak manukkun boasa lomo rohakku tu musik. Sebenarna ala lomo roha ni bapak dohot omak tu musik, au pe gabe songon i ma. Jadi tikki marumur 7 taon au, les piano ma au. Alai ala dang pola serius au na les i, didok gurukku ma tu bapak asa unang pola lanjut be au les.

Dung piga-piga bulan, les ma muse au, alai saonari dohot guru na asing. Dang holan les piano au, alai dohot do tong les marende. Gabe malo ma au marende dohot marpiano. Bahkan hea do au monang marende di piga-piga perlombaan. Lomo do rohakku gabe guru musik, asa adong hepengku lao merintis. Alani i, masuk ma au tu sikkola musik. Alai husadari ma, godang do habis tikkikku mamparsiajari taringot musik asa boi lulus ujian. Alani i di taon 1963, dang lanjut be au sikkola musik jala merintis biasa ma au.

MARLAS NI ROHA ALA MERINTIS

Dung sataon au merintis, ditugasson ma au gabe perintis istimewa tu Kapuskasing, Ontario. Partnerhu disi, i ma si Daniel Skinner. Dao do ibana uttua sian au. Diajari ibana do au boha carana asa denggan mangorganisasi huria. Tikki marumur 20 taon au, dilantik ma au gabe anggota ni Panitia Dinas Sidang. Alani i, godang hian dope na porlu huparsiajari. Saonari, las hian do rohakku ala dijujui organisasi do muse hita mangalatik akka donganta bawa na poso. Molo rade nasida jala bekerja keras, boi do nasida mangulahon tugas di organisasi nang pe poso hian dope umurna!

Dang sai mura tinggal di Kapuskasing. Molo musim dingin, biasana suhu disi minus 33 derajat Celcius. Bahkan boi do umngali muse sian i sappe minus 44 derajat Celcius. Jala biasana molo naeng lao au dohot si Daniel, mardalan pat do hami. Alai, godang do pasu-pasu na huhilala tikki melayani disi. Sada sian i, i ma pajuppang dohot donganta borua na margoar si Linda Cole. Di pudian ni ari, gabe si Linda Splane do ibana.

Semangat do si Linda marbarita, jala godang do kunjunganna. Burju do ibana, ramah, jala lomo rohana bergaul. Saksi do omak ni si Linda, goarna si Goldie. Alai molo bapakna, dang Saksi dope di tikki i, goarna si Allen. Dang lomo roha ni bapakna tu Saksi Jahowa. Nang pe songon i, torus do diboan omakna si Linda dohot dua itona, i ma si John dohot si Gordon, tu parpunguan. Jala dilatik do tong nasida marbarita na uli. Ujungna, rap merintis do nasida sude. Dukkon martaon-taon, gabe Saksi Jahowa do bapak ni si Linda, jala semangat do ibana manomba Jahowa.

Di taon 1965, diundang ma au tu Sikkola Pakkobasion Harajaon di Betel Kanada saleleng sabulan. Di sikkola i, godang do pelatihan na hudapot. Jala dipangido ma au asa huisi formulir tu Sikkola Gilead. Tikki i, dang adong dope cita-citakku lao gabe utusan injil. Alana didok rohakku, dang sanggup au mangulahon i. Nang pe songon i, huisi do formulirna. Hape, diundang ma au tu kelas 42. Di sikkola i, biasana dilehon akka instruktur do laporan taringot kemajuannami. Di laporan na parjolo na hudapot, dinasehati instruktur do au asa lam godang na huparsiajari taringot organisasi ni Jahowa. Cocok hian do nasehat ni nasida i tu au. Alana di tikki i, marumur 21 taon dope au.

Godang do pelatihan na dapottu di Gilead. Sada sian i, i ma boha carana berurusan tu media, songon stasiun radio, stasiun TV, dohot koran. Lomo hian do rohakku marsiajar taringot i. Jala dang husangka, bermanfaat do pelatihan i di au. Alai, annon pe huceritahon i.

DITUGASSON TU SENEGAL

Piga-piga ari dung lulus sian Sikkola Gilead, borhat ma au dohot partnerhu, si Michael Höhle, tu Senegal, Afrika. Di tikki i, adong hira-hira 100 penyiar disi.

Dung piga-piga bulan disi, dipangido ma asa karejo au di kantor cabang sahali saminggu. Tikki i, gelleng do “kantor cabang” i. Holan sada ruangan di jabu ni utusan injil. Jala donganta si Emmanuel Paterakis ma na gabe hamba cabang disi. Sai dipaingot ibana do au, nang pe gelleng kantor i, alai mewakili organisasi ni Jahowa do i di Senegal. Di sada tikki, dipangido donganta si Paterakis ma hami asa mambahen surat lao patoguhon roha ni akka utusan injil na disi. Arga do biaya lao mamotokopi di tikki i. Alani i, ikkon sada-sada ma diketik hami surat i. Jala dang boi adong nanggo sada huruf pe na sala ketik! Jadi, maol do mangulahon on.

Andorang so mulak au di borngin i, dilehon donganta si Paterakis ma tu au sada amplop. Didokkon ibana, “David, on adong surat sian organisasi tu ho.” Tikki hubukka amplop i, hape surat na huketik i do i! Sian on marsiajar ma au, ikkon huargai do organisasi ni Jahowa, dang soal balga manang na gelleng kantor cabangna.

Akrab do au tu godang penyiar di huria. Jotjot do hami bergaul di malam Minggu. Las hian do rohakku di tikki i. Sahat tu saonari pe, torus do hami berkomunikasi. Ala tinggal di Senegal au, gabe boi ma au marbahasa Prancis. Jala bermanfaat do i di au tikki lao au mengunjungi akka cabang na asing di liat portibi on.

Di taon 1968, martunangan ma au dohot si Linda. Saleleng marbulan-bulan, hulului ma karejo paruh waktu asa boi hami merintis di Senegal. Alai ala orang asing do au, maol do dapottu karejo disi. Alani i, mulak ma au tu Kanada. Menikah ma hami jala ditugasson gabe perintis istimewa di kota Edmundston. Kota i di Provinsi New Brunswick, jala berbatasan tu Provinsi Quebec.

MERINTIS DI NEW BRUNSWICK DOHOT QUEBEC

Andorang so ditugasson hami tu kota Edmundston, dang adong dope penyiar disi jala holan saotik do halak na olo marsiajar Bibel. Asing ni i, godangan halak disi maragama Katolik. Jala dang lomo roha ni nasida molo adong halak sian agama na asing na ro tu jabuna. Bahkan sappe dibahen nasida do tanda di jabuna: “Saksi Jahowa Dilarang Masuk”. Alai nang pe adong tanda i, torus do hami marbarita sian jabu tu jabu. Tiap minggu, adong do sada organisasi ni halak Katolik na mambahen iklan di koran. Di koran i didokkon: “Beta tausir ma Saksi Jahowa sian kota on!” Di tikki i holan opat do Saksi disi, i ma si Victor dohot si Velda Norberg, jala au dohot si Linda. Alani i, hami do pasti na naeng diusir halak i.

Dang tarhalupahon au tikki ro parjolo sahali pengawas wilayah manjuppangi hami. Di ujung ni kunjunganna i, didokkon ibana ma, “Huhilala urupi hamu ma jo akka halak dison asa positif pandanganna tu hita.” Mulai sian i, torus ma berupaya hami mangulahon i jala berhasil do i. Lam leleng boi ma diida akka halak perbedaan ni Saksi Jahowa dohot akka pamimpin agama Katolik. Molo Saksi Jahowa, serep do roha ni nasida. Alai molo pamimpin agama Katolik, ginjang do rohana. Saonari, nungnga adong be huria disi.

Dung hira-hira sataon hami disi, ditugasson ma hami tu sada huria di Quebec City. Onom bulan ma hami di huria i. Burju hian do akka dongan disi. Dukkon i, ditugasson ma au gabe pengawas wilayah.

Hira-hira 14 taon ma hami melayani di wilayah Quebec. Las hian do rohanami disi! Godang do pengalaman na denggan dapotnami di ulaon marbarita. Tikki dikunjungi hami akka huria disi, sai adong do piga-piga keluarga na olo marsiajar Bibel jala torus mambahen kemajuan sappe tardidi.

SAI DIINGOT HAMI DO AKKA DONGAN NA TOKTONG SETIA

Burju-burju do akka donganta na tinggal di akka kota na marbahasa Prancis di Kanada. Halak na terus terang do nasida, ramah, jala semangat. Berjuang do nasida asa boi gabe Saksi Jahowa. Alana, adong do na diorai keluargana ala marsiajar Bibel nasida. Misalna, adong do piga-piga na poso na diancam natua-tuana na so Saksi Jahowa. Didok natua-tuana tu nasida, “Molo torus hamu marsiajar Bibel dohot Saksi Jahowa, kaluar hamu sian jabu on!” Nang pe songon i, torus do nasida setia manomba Jahowa. Pasti bangga situtu do Jahowa mangida nasida!

Godang do tong akka perintis biasa dohot perintis istimewa na melayani di Quebec na gabe sitiruon di hami. Godangan sian nasida ro sian akka daerah na asing di Kanada. Alani i, ikkon marsiajar bahasa Prancis ma nasida. Alai dang holan i. Ikkon diboto nasida do tong budaya dohot cara marpikkir ni akka halak na tinggal disi. Alana, balga hian do pengaruh ni agama Katolik di daerah i.

Najolo, biasana ditugasson do akka perintis istimewa tu akka huta-huta na so adong dope penyiar. Alai ala sogo roha ni akka halak na disi tu Saksi Jahowa, gabe maol ma akka perintis i mangalului jabu dohot karejo paruh waktu. Molo pe adong jabu dapot ni nasida, olo do sipata sappe opat pasang nasida tinggal disi. Alana, dang adong hepeng ni nasida molo naeng manewa sandiri. Nang pe songon i situasina, torus do ringgas nasida marbarita. Molo adong na olo marsiajar Bibel, berupaya do nasida mangurupi akka parsiajar Bibel i. Saonari, nungnga godang be penyiar di Quebec. Alani i, pinda ma akka perintis i tu inganan na asing na makkaporluhon unggodang penyiar.

Tikki ro hami mengunjungi akka huria, berupaya do hami asa marbarita dohot akka na poso di ari Sabtu pagi. Gabe diboto hami ma akka tantangan aha do na diadopi nasida. Saonari, adong do piga-piga sian nasida na melayani gabe utusan injil manang mangulahon tugas na asing di organisasi.

Di tikki i, adong do piga-piga huria na so sanggup manggatti biaya perjalanan dohot sipanganonnami. Alani i, sipata otik hian nama hepengnami di akhir bulan. Jadi, ikkon diandalhon hami do Jahowa. Pos rohanami, pasti diboto Jahowa do aha na dihaporluhon hami. Dang hea ditadikkon Jahowa hami. Sai adong do cara ni Jahowa mangurupi hami. Buktina, nang pe maol situasinami, boi do hami torus mengunjungi akka huria.

MARSIAJAR SIAN AKKA DONGAN NA BERPENGALAMAN

Tikki di kota Quebec dope hami, godang do kesempatan lao marbarita sian radio, TV, dohot koran. Tuani ma sanga huparsiajari taringot i di Sikkola Gilead. Jotjot do au bekerja sama dohot donganta si Léonce Crépeault. Donganta on sahalak pengawas wilayah naung jotjot berurusan tu media. Tikki makkatai donganta on tu sasahalak naung berpengalaman di bidang media, dang dipatudu ibana naung berpengalaman ibana. Gariada didokkon ibana do, “Pak, parbarita na uli do au dohot dongankon. Dang pola diboto hami songon dia carana makkatai di jolo ni media. Alai disuru do hami lao paboahon tu akka halak na lao adong pertemuan na balga na dibahen Saksi Jahowa. Alani i, massai diargai hami do manang aha pe bantuan na dilehon Bapak tu hami.” Ala serep roha ni donganta si Léonce, gabe godang ma na olo mangurupi hami.

Dukkon i, ditugasson ma au asa bekerja sama dohot donganta si Glen How. Donganta on pengacara ni organisasi. Jotjot do diurus hami akka kasus na maol. Jala biasana, tertarik do akka media lao meliput kasus sisongon i. Alai ala nungnga godang dapottu pelatihan di Gilead jala dapottu pengalaman sian donganta si Léonce, gabe boi ma au mangulahon tugas on. Las hian do rohakku boi bekerja sama dohot donganta si How. Barani do ibana mambela organisasi tikki di pengadilan, jala holong situtu do rohana tu Jahowa.

Di taon 1985, ditugasson ma au gabe pengawas wilayah di wilayah bagian barat ni Kanada. Jonok do daerah i tu jabu ni bapakku. Alani i, boi ma hami mangurus bapak. Alai tolu bulan dukkon i, mate ma bapak. Torus do hami melayani di wilayah i sahat tu taon 1989. Hape dang disangka hami, diundang ma hami asa karejo di Betel Amerika Serikat. Hampir 19 taon ma au melayani gabe pengawas wilayah. Saleleng gabe pengawas wilayah au, godang hian do akka dongan na las rohana menyambut hami di jabuna, menjamu hami, jala bergaul rap dohot hami. Las hian do rohanami ala dihaholongi nasida hami!

PINDA TU AMERIKA SERIKAT

Dung sahat hami di Brooklyn, ditugasson ma au tu Departemen Dinas. Massai godang do pelatihan na dapottu disi jala arga hian do i di au. Sada parsiajaran na dapottu sian i, i ma unang pittor tabahen kesimpulan andorang so taboto sude faktana. Dukkon i di taon 1998, ditugasson ma au di Departemen Penulisan. Sahat tu saonari, di departemen i dope au. Alai godang dope na ikkon huparsiajari disi. Saleleng piga-piga taon di departemen i, sanga do au mangurupi donganta si John Barr. Ibana do di tikki i koordinator Panitia Penulisan. Denggan hian do sifat ni donganta on, jala godang do pelatihan na dilehon ibana tu au. Dang tarhalupahon au sudena i.

Las hian do rohakku boi bekerja sama dohot akka dongan di Departemen Penulisan. Serep do roha ni nasida, jala sai dipangido nasida do bantuan ni Jahowa. Asing ni i, disadari nasida do alani tondi parbadia do umbahen na boi diulahon nasida tugasna i, dang alani malona.

Las hian do rohakku dohot si Linda boi mengunjungi akka donganta di 110 negara. Tikki pajuppang hami dohot akka utusan injil, anggota Panitia Cabang, dohot akka pelayan sepenuh waktu na asing, boi do diida hami na massai holong roha ni nasida tu Jahowa. Las hian do tong rohanami mangida akka donganta na toktong setia. Hape masa do porang di negara ni nasida, maol parhepengon, jala adong penganiayaan. Pasti holong situtu do roha ni Jahowa tu nasida!

Saleleng martaon-taon on, godang hian do tugas na huulahon. Alai sai didukung si Linda do au. Parduli do ibana tu akka halak, jala sai dilului ibana do kesempatan lao mangurupi nasida. Malo do ibana mamulai pakkataion. Asing ni i, godang do halak na diurupi ibana gabe Saksi Jahowa. Jala adong do piga-piga donganta na so aktif na diurupi ibana mulak muse tu Jahowa. Jadi, pasu-pasu sian Jahowa do si Linda di au! Saonari, nungnga matua hami. Massai diargai hami do bantuan na dilehon akka donganta na poso tu hami. Diurupi nasida do hami tikki naeng lao hami mengunjungi akka negara na asing, jala diparade nasida do akka na porlu di hami.—Mrk. 10:​29, 30.

Molo huingot sude pengalamanku saleleng 80 taon on, mandok mauliate do au tu Jahowa. Sarupa do perasaanku songon panurat ni psalmen na mandok, “Ale Debata, nungnga diajari Ho au mulai sian tikki poso dope au, jala sahat tu saonari torus do hubaritahon akka ulaonmu na palongang roha.” (Ps. 71:17) Bertekad do au asa torus melayani Jahowa saleleng ni ngolukku.