Bantuan tu Akka Borua na Mengalami Ketidakadilan
“ADONG do marjuta borua, na matua nang na poso, na hea mengalami kekerasan. Molo hamu, hea do mengalami i? Di artikel on, taida ma boasa lomo roha ni Debata asa diargai akka borua. Jala taida ma muse, aha na lao bahenon ni Debata asa unang adong be ketidakadilan tu akka borua.”
Songon i ma na dipaboa di bagian awal ni artikel na marjudul “Ketidakadilan na Dialami Akka Borua—Na Didok Bibel Taringot i” di jw.org. Di ujung ni artikel i, adong do link na mangarahon hamu lao mandownload file PDF ni artikel i. Boi do dicetak hamu i jala dilipat gabe risalah opat halaman. Sahalak donganta borua na margoar si Stacy na tinggal di Amerika Serikat mandok, “Hucetak do artikel i. Dung i, rap ma au dohot sahalak donganta borua mamboan i tu inganan pengungsian ni akka borua di daerah dinasnami.”
Dipangido sahalak parkarejo na disi ma asa diboan donganta i muse godang artikel i. Tujuanna asa dilehon tu akka halak na tinggal disi. Gabe boi ma dibagihon artikel i lobi sian 40 lembar rap dohot 30 kartu kontak jw.org. Dung i, dipangido manajer ni inganan i ma asa dipatudu tu akka borua na disi boha carana marsiajar Bibel.
Dung i, lao ma muse si Stacy dohot dua donganta borua tu inganan pengungsian na asing. Dibagihon nasida ma lima risalah i jala dipangido do asa godang muse artikel i diboan nasida. Sahalak parkarejo disi mandok, “Porlu hian do artikel on di hami. Alana, balga do pengaruh ni on tu akka borua na tinggal dison.” Tikki ro muse akka donganta i tusi, marpungu ma piga-piga borua lao mangida songon dia parsiajaran Bibel diulahon. Jala adong do dua sian nasida na naeng ro marpungu tu Bale Harajaon.
Didok si Stacy, “Tikki diida hami las roha ni akka halak manjaha artikel on, gabe kagum do hami. Ala dicetak hami artikel on, gabe ummura ma di hami mambagihon on tu akka borua i. Las hian do roha ni nasida manjalo artikel on. Jala tarpaima do hami mangida songon dia cara ni Jahowa mamasu-masu upayanami.”